ബെംഗളൂരു: അക്ഷരങ്ങളിലൂടെ പ്രപഞ്ചത്തെ ചലിപ്പിക്കുകയും തലമുറകള്‍ക്ക് വിജ്ഞാനത്തിന്റെ വെളിച്ചം പകര്‍ന്നു നല്‍കുകയും ചെയ്യുന്ന അനുഗ്രഹീതമായ അധ്യാപനത്തിനായി ജീവിതത്തെ സമര്‍പ്പിക്കപ്പെട്ടവരുമാണ് അധ്യാപകരെന്ന് മലബാര്‍ മുസ്ലിം അസോസിയേഷന്‍ സെക്രട്ടറി പി.എം അബ്ദുല്‍ ലത്തീഫ് ഹാജി പറഞ്ഞു. സംഘടനക്ക് കീഴില്‍ മൈസൂര്‍ റോഡില്‍ പ്രവര്‍ത്തിക്കുന്ന ക്രസ്ന്റ് സ്‌കൂളില്‍ നടന്ന അധ്യാപക ദിനാചരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സെക്രട്ടറിമാരായ ശംസുദ്ധീന്‍ കൂടാളി അധ്യക്ഷതയും സുബൈര്‍ കായക്കൊടി അധ്യാപകര്‍ക്കുള്ള ഉപഹാര സമര്‍പ്പണവും നിര്‍വ്വഹിച്ചു. പ്രിന്‍സിപ്പള്‍ മുജാഹിദ് മുസ്തഫ ഖാന്‍ അധ്യാപക ദിന സന്ദേശം നല്‍കി. മാനേജര്‍ പി.എം. മുഹമ്മദ് മൗലവി, കബീര്‍ ജയനഗര്‍, ടി.സി. ശബീര്‍, രാജ വേലു, സീബിഗുണ്ടപ്പ, റീത്ത ഫ്രാന്‍സിസ്, തുടങ്ങിയവര്‍ പ്രസംഗിച്ചു. വൈസ് പ്രിന്‍സിപ്പള്‍ അഫ്‌സര്‍ പാഷ സ്വാഗതവും ശ്വേത എന്‍ നന്ദിയും പറഞ്ഞു.
SUMMARY: Teachers’ Day celebration held at Crescent School
