ബെംഗളൂരു: മൈസൂരു ഹുൻസൂർ മെയിൻ റോഡിൽ ഹിങ്കലിലെ മുത്തപ്പൻ മടപ്പുരയിൽ 20-ാം വാർഷിക തിരുവപ്പന മഹോത്സവവും പ്രതിഷ്ഠാ വാർഷികാഘോഷവും ഫെബ്രുവരി 27 മുതൽ മാർച്ച് ഒന്നുവരെ നടക്കും.
27-ന് മഹാഘോഷയാത്ര വൈകീട്ട് അഞ്ചു മുതൽ നടക്കും. വൈകീട്ട് ഏഴിന് നടക്കുന്ന നടപ്പന്തൽ ഉദ്ഘാടനം ഗോകുലം ഗോപാലൻ നിർവഹിക്കും. തുടർന്ന് പ്രതിഷ്ഠാ വാർഷികപൂജകളും തുടർന്ന് പ്രസാദസദ്യ വിതരണവും നടക്കും. അന്നദാനമുണ്ടാകും.
28-ന് മുത്തപ്പൻ വെള്ളാട്ടം, ഭഗവതി വെള്ളാട്ടം, കലശം തേടൽ, കലശംവരവ്, മുടിയഴിക്കൽ എന്നിവ നടക്കും. രാത്രി എട്ടുമുതൽ പ്രസാദസദ്യ വിതരണം. മാർച്ച് ഒന്നിന് രാവിലെ തിരുവപ്പന, പത്തിന് പള്ളിവേട്ട, ഭഗവതിത്തിറ. ഉച്ചയ്ക്ക് 12.30 മുതൽ മഹാഅന്നദാനവും ഉണ്ടാകുമെന്ന് ഭാരവാഹികള് അറിയിച്ചു.
SUMMARY: Thiruvappana and consecration anniversary celebrations in Mysore
