ലഖ്നൗ: പഞ്ചാബില് പോലീസ് സ്റ്റേഷന് ആക്രമിച്ച മൂന്ന് ഖലിസ്ഥാനി തീവ്രവാദികളെ ഉത്തര്പ്രദേശില് ഏറ്റുമുട്ടലില് വധിച്ചു. ഖലിസ്ഥാന് പ്രവര്ത്തകരായ ഗുര്വീന്ദര് സിങ്, വീരേന്ദ്ര സിങ്, ജസന്പ്രീത് സിങ് എന്നിവരാണ് കൊല്ലപ്പെട്ടത്. ഇവരില് നിന്ന് എകെ സീരീസില്പ്പെട്ട രണ്ട് റൈഫിളുകളും ഗ്ലോക്ക് പിസ്റ്റളുകളും കണ്ടെടുത്തിട്ടുണ്ട്.
പാകിസ്ഥാന് സ്പോണ്സര് ചെയ്ത ഖലിസ്ഥാന് സിന്ദാബാദ് ഫോഴ്സിന്റെ ഭാഗമാണ് മൂവരുമെന്ന് പഞ്ചാബ് പോലീസ് പറഞ്ഞു. പഞ്ചാബ് അതിര്ത്തിയിലെ പൊലീസ് സ്റ്റേഷനുകളില് ഇവര് ഗ്രനേഡ് ആക്രമണം നടത്തിയിരുന്നു. അക്രമികള് യുപിയിലെ പിലിഭിത്തിലെ പി എസ് പിരന്പൂര് മേഖലയില് ഉണ്ടെന്ന രഹസ്യ വിവരത്തിന്റെ അടിസ്ഥാനത്തില് ഉത്തര്പ്രദേശ്, പഞ്ചാബ് പോലീസ് സംയുക്തമായി വളയുകയായിരുന്നു.
അറസ്റ്റ് ചെയ്യാന് ശ്രമം നടത്തിയ പോലീസ് സംഘത്തിനു നേര്ക്ക് അക്രമികള് നിറയൊഴിച്ചു. തുടര്ന്ന് പോലീസ് നടത്തിയ തിരിച്ചടിയിലാണ് തീവ്രവാദികള് കൊല്ലപ്പെട്ടത്. ഈ സംഘത്തില്പ്പെട്ട മറ്റാരെങ്കിലും ഉണ്ടോയെന്ന് അന്വേഷണം നടത്തിവരികയാണെന്ന് പഞ്ചാബ് ഡിജിപി ഗൗരവ് യാദവ് വ്യക്തമാക്കി. ഒരാഴ്ചയ്ക്കിടെ പഞ്ചാബിലെ മൂന്ന് പോലീസ് സ്റ്റേഷനുകള്ക്ക് നേരെയാണ് ആക്രമണം ഉണ്ടായത്.
<BR>
TAGS : UTTARPRDESH | KHALISTAN
SUMMARY : Three Khalistan terrorists killed in Uttar Pradesh; those killed were those who attacked a police post in Punjab
തിരുവനന്തപുരം: സുപ്രീംകോടതി വിധിയുടെ പശ്ചാത്തലത്തില് സർക്കാർ, എയ്ഡഡ് സ്കൂളുകളിലെ അധ്യാപക നിയമനങ്ങള്ക്കും സ്ഥാനക്കയറ്റത്തിനും കെ- ടെറ്റ് യോഗ്യത ബാധകമാക്കി ഇന്നലെ…
തിരുവനന്തപുരം: കേരളത്തിൽ സ്വര്ണ വിലയില് ഇടിവ്. ഗ്രാമിന് 35 രൂപ കുറഞ്ഞ് 12,450 രൂപയിലും പവന് 280 രൂപ താഴ്ന്ന്…
കൊച്ചി: കളമശേരി പത്തടിപ്പാലത്ത് അമിത വേഗത്തിൽ എത്തിയ ഊബർ കാർ ബൈക്കിലേക്ക് ഇടിച്ചു കയറി 64കാരന് ദാരുണാന്ത്യം. കളമശേരി സ്വദേശിയായ…
ന്യൂഡൽഹി: വിവാദ എഐ ഇമേജ് എഡിറ്റുകളില് സമൂഹമാധ്യമായ എക്സിന് നോട്ടീസയച്ച് കേന്ദ്ര ഐടി മന്ത്രാലയം. സ്ത്രീകളുടെയും കുട്ടികളുടെയും അടക്കം ചിത്രങ്ങള്…
കൊളംബോ: അന്താരാഷ്ട്ര സമുദ്ര അതിര്ത്തി ലംഘിച്ച് മത്സ്യബന്ധനം നടത്തിയതായി ആരോപിച്ച് 11 ഇന്ത്യക്കാരെ ശ്രീലങ്കന് നാവികസേന അറസ്റ്റ് ചെയ്തു. ഇവരുടെ…
ബെംഗളൂരു: നമ്മ മെട്രോയുടെ ഗ്രീൻ, പർപ്പിൾ പാതകളിൽ തിരക്ക് കുറക്കാനുള്ള നടപടികളുമായി ബാംഗ്ലൂര് മെട്രോ റെയിൽ കോർപ്പറേഷൻ(ബി.എം.ആർ.സി.എൽ). സിൽക്ക് ഇൻസ്റ്റിറ്റ്യൂട്ട്…