മലപ്പുറം: റിസോര്ട്ടിലെ സ്വിമ്മിംഗ് പൂളില് വീണ് മൂന്ന് വയസ്സുകാരന് മുങ്ങിമരിച്ചു. അരീക്കോട് പൂവത്തിക്കല് സ്വദേശി ആസിഫിന്റെ മകന് ഇവാന് ആസിഫ് (3) ആണ് മരിച്ചത്. ഊര്ങ്ങാട്ടരി പഞ്ചായത്തിലെ കോന്നൂര്കണ്ടിയിലുള്ള ‘കൊക്കോ വില്ല’ റിസോര്ട്ടില് ഞായറാഴ്ചയാണ് ദാരുണമായ സംഭവം നടന്നത്.
കഴിഞ്ഞ ദിവസം റിസോര്ട്ടില് എത്തിയ കുടുംബം ഇന്ന് മടങ്ങാനിരിക്കെയാണ് അപകടം സംഭവിച്ചത്. കുട്ടിയെ പൂളില് വീണ നിലയില് കണ്ടെത്തിയ ഉടന് തന്നെ അരീക്കോട്ടെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
SUMMARY: Three-year-old boy dies after falling into resort swimming pool
