നിയന്ത്രണംവിട്ട ലോറി ബൈക്കുകളില്‍ ഇടിച്ചു; മൂന്നു യുവാക്കള്‍ക്ക് ദാരുണാന്ത്യം

ബെംഗളൂരു: നിയന്ത്രണംവിട്ട ലോറി ബൈക്കുകളില്‍ ഇടിച്ചുണ്ടായ അപകടത്തില്‍ മൂന്നു യുവാക്കള്‍ മരിച്ചു. കലബുറഗി സേദം താലൂക്കിലെ കൊങ്കണഹള്ളിയില്‍ ചൊവ്വാഴ്ച രാത്രിയാണ് അപകടം നടന്നത്. സേദം സ്വദേശികളായ സഞ്ജീവ് (21), സഹോദരൻ കാശിനാഥ് (19), ചിറ്റാപൂർ താലൂക്കിലെ ഹൽക്കാർത്തി സ്വദേശിയായ മഹേഷ് ഹള്ളി എന്നിവരാണ് മരിച്ചത്.

മൂവരും സേദത്തിൽ നിന്ന് ഹൽക്കാർത്തിയിലേക്ക് രണ്ട് മോട്ടോർ സൈക്കിളുകളിൽ സഞ്ചരിക്കുന്നതിനിടെയാണ് അപകടം. ഗുരതര പരുക്കേറ്റ ഇവര്‍ സംഭവസ്ഥലത്ത് തന്നെ മരിച്ചു. സംഭവത്തില്‍ സേദം പോലീസ്  കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.
SUMMARY: Three youths die in tragic accident after lorry crashes into bikes