വയനാട്: വയനാട്ടില് ഒരാളെ കൊലപ്പെടുത്തിയ കടുവ ചത്തതിന്റെ ആശ്വാസത്തിന്റെ ചെടുവീര്പ്പിനിടയില് വയനാട്ടില് വീണ്ടും കടുവയെ കണ്ടതായി റിപ്പോര്ട്ട്. കുറക്കന് മൂലയില് കടുവ വളര്ത്തുനായയെ പിടികൂടിയെന്നു. കാവേരി പൊയില് പ്രദേശത്ത് ഇന്നലെ രാത്രി കടുവ ഇറങ്ങിയെന്നും ഒരാളുടെ വളര്ത്തുനായയെ കടുവ പിടിച്ചു എന്നുമാണ് പ്രദേശവാസി ലക്ഷ്മി പറയുന്നത്.
തിങ്കളാഴ്ച രാത്രി എട്ടരയോടെ നായയുടെ ശബ്ദം കേട്ട് പുറത്തിറങ്ങി നോക്കിയപ്പോള് കടുവയെ നേരിട്ട് കണ്ടെന്ന് ഇവര് പ്രതികരിച്ചു. വനംവകുപ്പ് സ്ഥലത്തെത്തി പരിശോധന നടത്തി. എന്നാല് കടുവ സാധാരണയായി ചെറിയ മൃഗങ്ങളെ പിടിക്കാറില്ലെന്നും കണ്ടത് പുലിയെ ആകാമെന്നുമാണ് വനംവകുപ്പിന്റെ നിഗമനം. പ്രദേശത്തെ ജനങ്ങളോട് ജാഗ്രത പാലിക്കാന് നിര്ദേശം നല്കി.
TAGS : TIGER
SUMMARY : Tiger again in Mananthavadi
