പാലക്കാട്: പാലക്കാട് വീണ്ടും കടുവയുടെ സാന്നിധ്യം. മംഗലം ഡാം ഓടം തോട് കടുവയെ കണ്ടതായി ടാപ്പിംഗ് തൊഴിലാളി പറഞ്ഞു. ഇന്ന് പുലർച്ചെ നാലരയോടെയാണ് സംഭവം. റബർ ടാപ്പിങ്ങിന് പോകും വഴിയാണ് കടുവയെ കണ്ടതെന്ന് തൊഴിലാളി പറഞ്ഞു. നേരത്തെയും പ്രദേശത്ത് കടുവയുടെ സാന്നിധ്യം ഉണ്ടായിരുന്നു.
നന്നങ്ങാടി വേലം കുന്നിലേക്ക് പോകുന്നതിനിടെയാണ് കടുവയെ കണ്ടതെന്ന് റബര്‍ ടാപ്പിംഗ് തൊഴിലാളിയായ ധര്‍മജൻ പറഞ്ഞു. വനംവകുപ്പിനെ വിവരമറിയിച്ചതിനെ തുടര്‍ന്ന് വനപാലകര്‍ സ്ഥലത്തെത്തി പരിശോധന നടത്തി. കഴിഞ്ഞ ദിവസം യുവാവ് കടുവയുടെ അലര്‍ച്ച കേട്ടതായും വനംവകുപ്പിനെ വിവരമറിയിച്ചിരുന്നു. പ്രദേശവാസികള്‍ ഇടക്ക് കടുവയുടെതെന്ന് സംശയിക്കുന്ന ശബ്ദം കേള്‍ക്കാറുണ്ടെന്ന് പറഞ്ഞു. കഴിഞ്ഞ ദിവസം തന്നെ കടുവയുടെതെന്ന് സംശയിക്കുന്ന കാല്‍പ്പാട് കണ്ടെത്തിയതായും നാട്ടുകാർ പറയുന്നു.
SUMMARY: Tiger enters Mangalam dam again; locals in fear
