ബെംഗളൂരു: ബെംഗളൂരുവിൽ തക്കാളി വിലയിൽ വൻ വർധന. ഉള്ളി, വെളുത്തുള്ളി തുടങ്ങിയ സാധനങ്ങളുടെ വിലക്കയറ്റത്തിന് പിന്നാലെയാണ് തക്കാളി വിലയിലും വർധന ഉണ്ടായിരിക്കുന്നത്. കഴിഞ്ഞയാഴ്ച തക്കാളി കിലോയ്ക്ക് 40 രൂപയായിരുന്നു. എന്നാൽ വെള്ളിയാഴ്ച മുതൽ കിലോയ്ക്ക് 80 രൂപയായി ഉയർന്നു. വരും ദിവസങ്ങളിൽ വില ഇനിയും ഉയരുമെന്ന് വ്യാപാരികൾ പറഞ്ഞു.
കാലവർഷക്കെടുതിയാണ് വിലക്കയറ്റത്തിന് കാരണമെന്നാണ് വിലയിരുത്തൽ. ഉള്ളിയുടെ വില കിലോയ്ക്ക് 70 രൂപയിൽ എത്തിയപ്പോൾ വെളുത്തുള്ളി കിലോയ്ക്ക് 500 രൂപയ്ക്കാണ് വിൽക്കുന്നത്. ദസറ, നവരാത്രി ഉത്സവ സീസണും വിലക്കയറ്റത്തിന് കാരണമായിട്ടുണ്ട്. വരും ദിവസങ്ങളിൽ പച്ചക്കറികൾക്കും, പഴങ്ങൾക്കും ഇനിയും വില കൂടുമെന്ന് വ്യാപാരികൾ പറഞ്ഞു.
TAGS: BENGALURU | PRICE HIKE
SUMMARY: Tomato prices doubles in Bengaluru’s markets over last week
