ബെംഗളൂരു: നമ്മ മെട്രോ യെല്ലോ ലൈനിൽ രണ്ട് ട്രെയിനുകള്കൂടി സർവീസ് ആരംഭിച്ചു. ഇതോടെ പാതയിൽ സർവീസ് നടത്തുന്ന ട്രെയിനുകളുടെ എണ്ണം പത്തായി. നേരത്തെ രാവിലെയും വൈകിട്ടുമുള്ള സർവീസുകളുടെ ഇടവേള ഒൻപത് മിനിറ്റായിരുന്നത് ഇപ്പോള് ഏഴ് മിനിറ്റായി കുറഞ്ഞു. മറ്റ് സമയങ്ങളിലെ സർവീസ് 14 മിനിറ്റിൽനിന്ന് 10 മിനിറ്റായും കുറഞ്ഞു.
ആർവി റോഡ് മുതൽ ബൊമ്മസാന്ദ്രവരെയുള്ള 19.15 കിലോ മീറ്റർ ദൈർഘ്യമുള്ള യെല്ലോ പാത കഴിഞ്ഞവർഷം ജനുവരിയിൽ പ്രധാനമന്ത്രി നരേന്ദ്ര മോദിയാണ് ഫ്ലാഗ് ഓഫ് ചെയ്തത്. തുടക്കത്തിൽ 25 മിനിറ്റ് ഇടവേളകളിലായിരുന്നു സർവീസുകൾ. പിന്നീട് കൂടുതൽ ട്രെയിനുകള് എത്തിയതോടെ സർവീസ് ഇടവേള കുറയ്ക്കുകയായിരുന്നു.
അടുത്ത് തന്നെ അഞ്ച് ട്രെയിനുകൾകൂടി പാതയില് സർവീസ് ആരംഭിക്കും. ഇതോടെ ഇടവേള സമയം വീണ്ടും കുറയും. നഗരത്തിലെ ഏറ്റവും കൂടുതൽ ഗതാഗത തിരക്ക് അനുഭവപ്പെടുന്ന ഹോസൂര് റോഡ്- ഇലക്ട്രോണിക് സിറ്റി മേഖലയിലെ യാത്രക്കാര്ക്ക് ഇത് ഏറെ ആശ്വാസമാകും.
SUMMARY: Two new trains added to Metro Yellow Line; Interval time now seven minutes
