കാസറഗോഡ് രണ്ട് പേര്‍ക്ക് സൂര്യാതപമേറ്റു

കാസറഗോഡ്: കാസറഗോഡ് ഇന്ന് രണ്ട് പേർക്ക് സൂര്യാതപമേറ്റു. കാഞ്ഞങ്ങാട് നഗരസഭ വാർഡ് കൗണ്‍സിലർക്കും തൃക്കരിപ്പൂരിലെ എട്ട് വയസുകാരനുമാണ് സൂര്യാതപമേറ്റത്. കാഞ്ഞങ്ങാട് നഗരസഭാ പത്തൊമ്പതാം വാർഡ് കൗണ്‍സിലർ എൻ ഉണ്ണികൃഷ്ണനാണ് ശരീരത്തില്‍ പൊള്ളലേറ്റത്. പൊതു പരിപാടിയില്‍ പങ്കെടുത്ത് ഇരു ചക്ര വാഹനത്തില്‍ മടങ്ങവെയാണ് പൊള്ളലേറ്റത്.

കഴുത്തിന് പുറകിലും നെഞ്ചിലും പുറത്തുമാണ് പൊള്ളലേറ്റത്. അതേ സമയം വിദ്യാർഥിയായ ഇഷാന് കഴുത്തിനാണ് പൊള്ളലേറ്റത്. വീടിന് സമീപത്തെ ക്ഷേത്രോത്സവത്തിനിടെ ആണ് സൂര്യാതപമേറ്റത്. സൂര്യാതപവുമായി ബന്ധപ്പെട്ട് വലിയ ജാഗ്രതാ നിർദ്ദേശം നിലനില്‍ക്കുന്നുണ്ടായിരുന്നു.

SUMMARY: Two people succumb to heatstroke in Kasaragod