ബെംഗളൂരു: മുൻ മുഖ്യമന്ത്രി സിദ്ധരാമയ്യയെ അപകീർത്തിപ്പെടുത്താൻ സമൂഹമാധ്യമങ്ങളിലൂടെ വ്യാജവീഡിയോ പ്രചരിപ്പിച്ചെന്ന കേസിൽ 2 പേരെ ബെംഗളൂരു സൈബർ ക്രൈം പോലീസ് കസ്റ്റഡിയിലെടുത്തു. ഒളികാമറ ദൃശ്യങ്ങൾ എന്ന വ്യാജേന തന്റെ പേരിൽ വീഡിയോകൾ പ്രചരിപ്പിക്കുന്നതായി ആരോപിച്ച് സിദ്ധരാമയ്യ നൽകിയ പരാതിയിൽ സൈബർ ക്രൈം പോലീസ് കേസെടുക്കുകയായിരുന്നു. ഇവരെ ചോദ്യം ചെയ്തശേഷം വിട്ടയച്ചതായാണ് സൂചന.
യൂട്യൂബിലും ഒരു കന്നഡ ചാനലിലും സംപ്രേഷണം ചെയ്ത രണ്ട് വീഡിയോകളുടെ പേരിൽ സിറ്റി സൈബർ ക്രൈം പോലീസ് രജിസ്റ്റർ ചെയ്ത കേസിലാണ് നടപടി. വീഡിയോകൾ പ്രചരിപ്പിക്കുന്നതിൽ 42 മാധ്യമസ്ഥാപനങ്ങളെ വിലക്കിക്കൊണ്ട് ബെംഗളൂരു കോടതി ചൊവ്വാഴ്ച ഇടക്കാല ഉത്തരവ് പുറപ്പെടുവിച്ചിട്ടുണ്ട്. പ്രചരിക്കുന്നതു വ്യാജവീഡിയോയാണെന്നും തന്റെ സൽപ്പേരും രാഷ്ട്രീയ നിലപാടുകളും തകർക്കാനുദ്ദേശിച്ചുള്ളതാണെന്നും സിദ്ധരാമയ്യ വ്യക്തമാക്കിയിരുന്നു.
SUMMARY:Two people taken into custody for circulating a fake honey-trap video targeting Siddaramaiah.
