മലപ്പുറം: വാല്പ്പാറ അപകടത്തില് മരിച്ചവരുടെ പൊതുദര്ശനത്തിനുള്ള ക്രമീകരണങ്ങള് പൂര്ത്തിയായി. പൊള്ളാച്ചി ആശുപത്രിയില് പോസ്റ്റ്മോര്ട്ടത്തിന് ശേഷം കേരളത്തിലെത്തിച്ച 9 പേരുടേയു മൃതദേഹങ്ങള് രാവിലെ 8.30ഓടെ പാങ്ങ് അമ്പലപ്പറമ്പ് ഹയര്സെക്കന്ററി സ്കൂളിലെത്തിക്കും. ഒരു മണിക്കൂര് പൊതുദര്ശനം നടക്കും. ശേഷം ബന്ധുക്കള്ക്ക് വിട്ട് കൊടുക്കും
പ്രധാന അധ്യാപിക പുലാമന്തോള് സ്വദേശി അജിതയുടെ സംസ്കാരം ഷൊര്ണൂര് ശാന്തി തീരത്ത് നടക്കും. ആശയുടെ സംസ്കാരം വീട്ടുവളപ്പില് നടക്കും. മജീദ്, ഭാര്യ റുഖിയ എന്നിവരുടെ ഖബറടക്കം മാട്ടാത്ത് മഹല്ലിലും റംല, സാജിദ, ഷക്കീല എന്നിവരുടെ ഖബറടക്കം പാങ്ങ് ജുമാ മസ്ജിദിലും നടക്കും. സുഹറ, മകന് ഹിഷാം എന്നിവരുടെ ഖബറടക്കം ഈസ്റ്റ് പാങ്ങ് മസ്ജിദ് ഖബര് സ്ഥാനില് നടക്കും.
കൊയമ്പത്തൂര് മെഡിക്കല് കോളേജില് ചികിത്സയില് ഉള്ള മൂന്ന് പേരും നീരീക്ഷണത്തില് തുടരുകയാണ്. സാജിതയുടെ മകന് ഷഹദിന് (11), ട്രാവലര് ഡ്രൈവര് മുഹമ്മദ് ഫായിസ് (22), സ്കൂള് ബസ് ഡ്രൈവര് നൗഷാദ് (39) എന്നിവരാണ് ചികിത്സയിലുള്ളത്. 48 മണിക്കൂറിന് ശേഷം ഷിഫ്റ്റ് ചെയ്യുന്ന കാര്യത്തില് ഉള്പ്പടെ വിവരം തരാം എന്നാണ് ഡോക്ടര്മാരുടെ പ്രതികരണം.
മലപ്പുറം ഡിഎംഒ നിര്ദേശിച്ച പ്രകാരം താഹസില്ധാര് ഉള്പ്പടെ അഞ്ച് പേരുടെ മെഡിക്കല് സംഘം കോയമ്പത്തൂര് മെഡിക്കല് കോളേജ് ആശുപത്രിയിലെത്തിയിരുന്നു. പരിക്കേറ്റ 11കാരി മസ്നീന് കോട്ടക്കല് ആശുപത്രിയിലും ചികിത്സയിലാണ്.
ഇന്നലെ വൈകീട്ട് അഞ്ചേ കാലോടെയാണ് വിനോദയാത്രയ്ക്ക് പോയ 13 അംഗ സംഘം അപകടത്തില്പെട്ടത്. നിയന്ത്രണം വിട്ട ട്രാവലര് റോഡിന്റെ സംരക്ഷണ ഭിത്തി തകര്ത്ത് പതിമൂന്നാം വളവില് നിന്ന് ഒന്പതാം വളവിലേക്ക് വീഴുകയായിരുന്നു.
SUMMARY: Valparai accident: Bodies of all 9 deceased brought to Kerala; Public viewing at Ambalaparmbu school from 9 am
കൊച്ചി: മലയാളം ടെലിവിഷന് രംഗത്തെ സുപരിചിത മുഖമായ സിദ്ധാര്ത്ഥ് വേണുഗോപാല് അന്തരിച്ചു. നീണ്ട രണ്ടുവര്ഷക്കാലം നീണ്ടുനിന്ന രോഗബാധയോടുള്ള പോരാട്ടത്തിനൊടുവിലാണ് അന്ത്യം.…
ബെംഗളൂരു: ബെംഗളൂരുവിലെ ഗതാഗതക്കുരുക്ക് ലഘൂകരിക്കുന്നതിന് ഏറെ സഹായകരമാകുന്ന 11 എലിവേറ്റഡ് ഇടനാഴികള്ക്ക് കര്ണാടക മന്ത്രിസഭ വ്യാഴാഴ്ച അംഗീകാരം നല്കി. 13,262…
ബെംഗളൂരു: മൈസൂരുവില് വീട്ടിനുള്ളിൽ കയറിയ പുലിയെ മണിക്കൂറോളം നീണ്ട പരിശ്രമത്തിനൊടുവിൽ പിടികൂടി. ചാമുണ്ഡി ഹിൽസിന് സമീപം സിദ്ധാർഥ ലേഔട്ടിലുള്ള സുരേഷിന്റെ…
ബെംഗളൂരു: ബെംഗളൂരുവിൽ കെട്ടിടത്തിൽ നിന്നു വീണ് പെയ്ന്റിങ് തൊഴിലാളി മരിച്ചു. ഫോർട്ട്കൊച്ചി ചെറളായികടവിൽ പരേതനായ സെയ്ത് മുഹമ്മദിന്റെ മകന് കെ.എസ്.…
ബെംഗളൂരു: സംസ്ഥാനത്ത് ട്രെക്കിംഗിനിടെ ആളുകളെ കാണാതാവുന്നതും അപകടത്തിൽപ്പെടുന്നതുമായ സമീപകാല സംഭവങ്ങളുടെ പശ്ചാത്തലത്തില് നിബന്ധനകളും വ്യവസ്ഥകളും (സ്റ്റാൻഡേഡ് ഓപ്പറേറ്റിങ് പ്രൊസീജിയേഴ്സ്-എസ്.ഒ.പി.) പുറപ്പെടുവിച്ച്…
പൊള്ളാച്ചി: വാല്പ്പാറ വാഹനാപകടത്തില് മരിച്ച ഒന്പത് മലയാളികളെ തിരിച്ചറിഞ്ഞു. മലപ്പുറം പാങ്ങ് പള്ളിപ്പറമ്പ് സ്കൂളിലെ പ്രധാന അധ്യാപിക ഉള്പ്പെടെ ഒമ്പതു…