ബെംഗളൂരു: വാലന്റൈന്സ് ദിനമായ 14ന് നന്ദിഹില്സിലേക്ക് സന്ദര്ശകര്ക്ക് പ്രവേശനം നിരോധിച്ചു. രാവിലെ 6 മുതല് വൈകിട്ട് 6 വരെയാണ് നിരോധനം. മലമുകളിലെ റിസോര്ട്ടുകളില് നേരത്തെ ടിക്കറ്റ് ബുക്ക് ചെയ്തവര്ക്ക് നിരോധനം ബാധകമല്ലെന്ന് ചിക്കബെല്ലാപുര ഡെപ്യൂട്ടി കമ്മീഷണര് ജി പ്രഭു പുറപ്പെടുവിച്ച ഉത്തരവില് പറയുന്നു.
ബെംഗളൂരുവില് നിന്ന് ഏകദേശം 70 കിലോമീറ്റര് അകലെ സ്ഥിതി ചെയ്യുന്ന നന്ദി ഹില്സ് സന്ദര്ശിക്കാന് എത്തുന്നവരുടെ എണ്ണത്തില് അടുത്തിടെ വന് വര്ധനവാണ് ഉണ്ടായത്. സാധാരണ ദിവസങ്ങളില് 3,000 മുതല് 4,000 വരെയും വാരാന്ത്യങ്ങളില് പലപ്പോഴും 10,000 ല് കൂടുതല് ആളുകള് ഇവിടെ എത്താറുണ്ട്. വാലന്റൈന്സ് ദിനത്തില് നന്ദി ഹില്സ് അടച്ചിടുന്നത് ഇതാദ്യമായാണ്. അതേസമയം ആള്ക്കൂട്ടത്തെ നിയന്ത്രിക്കുന്നതിന് പുതുവത്സരാഘോഷ വേളയില് സമാനമായ നിയന്ത്രണങ്ങള് മുമ്പും ഏര്പ്പെടുത്തിയിട്ടുണ്ട്.
SUMMARY: Visitors banned from entering Nandi Hills on the 14th
WhatsApp
Telegram
