തിരുവനന്തപുരം: തിരഞ്ഞെടുപ്പ് പ്രചാരണത്തില് പാരഡി പാട്ട് പോരാട്ടം കനക്കുന്നു. സ്വർണം കട്ടത് ആരപ്പാ എന്ന് രാഹുല്ഗാന്ധി ഇന്നലെ പാടിയ പാട്ടിന് മറുപാട്ടുമായി മുതിർന്ന സിപിഐ എം നേതാവ് ബൃന്ദ കാരാട്ട് രംഗത്തെത്തി. ‘പോറ്റിയെ സോണിയയെ കാണിച്ചത് ആരപ്പാ’ എന്നായിരുന്നു രാഹുല് ഗാന്ധിക്കെതിരെയുള്ള ബൃന്ദ കാരാട്ടിന്റെ മറുപാട്ട്.
കോണ്ഗ്രസ് ഗ്യാരണ്ടി വാഗ്ദാനം പൊള്ളയാണ്. തെലങ്കാന അടക്കം കോണ്ഗ്രസ് ഭരിക്കുന്ന സംസ്ഥാനങ്ങളില് നല്കിയ ഗ്യാരണ്ടികള് ഒന്നും പാലിച്ചില്ല എന്നും ബൃന്ദ കാരാട്ട് വ്യക്തമാക്കി. കോണ്ഗ്രസ് വോട്ടുകള് തൃശ്ശൂരില് ലോകസഭ തിരഞ്ഞെടുപ്പിലും, തിരുവനന്തപുരത്ത് കോർപ്പറേഷൻ തിരഞ്ഞെടുപ്പിലും ബിജെപിയിലേക്ക് പോയി.
കേരളത്തെ അവരുടെ എടിഎം ആക്കി മാറ്റാനാണ് കോണ്ഗ്രസിന്റെ ശ്രമം. കോണ്ഗ്രസ് എല്ലാ കാര്യങ്ങളിലും നുണ പറയുകയാണ്. അതാണ് എല്ഡിഎഫ് ബിജെപി ഡീല് എന്ന ആരോപണം ഉന്നയിക്കുന്നത്. വയനാട് ദുരന്തത്തില് വീട് വയ്ക്കാൻ കോണ്ഗ്രസ് പിരിച്ച പണത്തിന്റെ കണക്ക് എവിടെ. നിങ്ങള് എവിടെയാണ് പണം ചെലവാക്കിയത് എന്നും ബൃന്ദ കാരാട്ട് കൂട്ടിച്ചേർത്തു.
SUMMARY: “Who showed Sonia the potty?”; Brinda Karatt responds to Rahul’s song
