പാലക്കാട്: മുണ്ടൂരില് കാട്ടാന ആക്രമണത്തില് ഒരാള് കൊല്ലപ്പെട്ടു. ഞാറക്കോട് സ്വദേശി കുമാരന്(61) ആണ് മരിച്ചത്. ഇന്ന് പുലര്ച്ചെ 3.30നായിരുന്നു സംഭവം. മൂത്രമൊഴിക്കാനായി വിട്ടുമുറ്റത്തേക്ക് ചെന്ന കുമാരനെ കാട്ടാന ആക്രമിക്കുകയായിരുന്നു. ആന ഇപ്പോഴും ജനവാസ മേഖലയില് തന്നെ തുടരുകയാണ്.
ഈ കഴിഞ്ഞ ഏപ്രിലിലാണ് കണ്ണാടന് ചോലയ്ക്ക് സമീപത്ത് വെച്ച് അലന് എന്ന യുവാവിനെയും അമ്മ വിജിയെയും കാട്ടാന ആക്രമിച്ചിരുന്നു. കടയില് നിന്നും സാധനങ്ങള് വാങ്ങി തിരികെ വീട്ടിലെക്ക് മടങ്ങും വഴിയായിരുന്നു സംഭവം. മുണ്ടൂരിലും പ്രദേശങ്ങളിലും കഴിഞ്ഞ ഒരാഴ്ചയായി നിലയുറപ്പിച്ചിരുന്ന കാട്ടാനകളാണ് ആക്രമണം നടത്തിയത്. പരുക്കേറ്റ വിജി ഫോണില് വിവരം അറിയിച്ചതിനെ തുടര്ന്ന് നാട്ടുകാരെത്തി ആശുപത്രിയിലെത്തിക്കുകയായിരുന്നു. ആക്രമണത്തില് ഗുരുതരമായി പരുക്കേറ്റ അലന് ആശുപത്രിയിലെത്തിക്കും മുമ്പേ മരിച്ചിരുന്നു. പിന്നാലെ വലിയ പ്രതിഷേധമാണ് പ്രദേശത്തുണ്ടായത്. കൊല്ലപ്പെട്ട അലന്റെ കുടുംബത്തിന് അഞ്ച് ലക്ഷം രൂപ ധനസഹായം നല്കുമെന്ന് പാലക്കാട് അധികൃതര് അറിയിച്ചിരുന്നു.
SUMMARY: Wild elephant attack in Palakkad’s Mundur; One killed
