ബെംഗളൂരു: പോക്സോ കേസിൽ കർണാടക മുൻ മുഖ്യമന്ത്രിയും മുതിർന്ന ബിജെപി നേതാവുമായ ബി.എസ്. യെദിയൂരപ്പ അന്വേഷണ സംഘത്തിന് മുമ്പിൽ ഹാജരായി. ഈ വർഷം മാർച്ചിൽ രജിസ്റ്റർ ചെയ്ത പോക്സോ കേസിലാണ് കർണാടക പോലീസിന്റെ ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റിന് (സിഐഡി) മുമ്പാകെ യെദിയൂരപ്പ ഹാജരായത്.
ജൂൺ 12ന് അന്വേഷണത്തിന് ഹാജരാകാൻ യെദിയൂരപ്പക്ക് സിഐഡി സമൻസ് അയച്ചിരുന്നു. എന്നാൽ യെദിയൂരപ്പ ഹാജരാകാതിരുന്നതോടെ അന്വേഷണസംഘം അദ്ദേഹത്തിന് എതിരെ അറസ്റ്റ് വാറണ്ട് പുറപ്പെടുവിച്ചിരുന്നു. പിന്നീട് കർണാടക ഹൈക്കോടതി ഇടപെട്ടാണ് അറസ്റ്റ് തടഞ്ഞത്.
തന്റെ പിതാവിന് നിയമവ്യവസ്ഥയിൽ വിശ്വാസമുണ്ടെന്നും അന്വേഷണം നേരിടുമെന്നും ബിജെപി സംസ്ഥാന അധ്യക്ഷനും യെദിയൂരപ്പയുടെ മകനുമായ ബി.വൈ. വിജയേന്ദ്ര പറഞ്ഞു. ലൈംഗികാതിക്രമം നടത്തിയെന്നാരോപിച്ച് 17കാരിയുടെ അമ്മയാണ് യെദിയൂരപ്പക്കെതിരെ ലൈംഗികാരോപണം ഉന്നയിച്ചത്.
മാർച്ച് 14 ന് ബെംഗളൂരുവിൽ പോലീസ് കേസ് രജിസ്റ്റർ ചെയ്യുകയും മാർച്ച് 15ന് അന്വേഷണത്തിനായി കേസ് സിഐഡിക്ക് കൈമാറുകയും ചെയ്യുകയായിരുന്നു. എന്നാൽ പരാതിക്കാരി കഴിഞ്ഞമാസം അർബുദ ബാധയെ തുടർന്ന് മരണപ്പെട്ടിരുന്നു.
TAGS: KARNATAKA| YEDIYURAPPA
SUMMARY: BS yediyurappa presents before cid team on pocso case
പത്തനംതിട്ട: ശബരിമല സ്വർണക്കൊള്ള കേസ് സിബിഐയെ ഏൽപ്പിക്കണമെന്ന് കേന്ദ്ര ഇന്റലിജൻസ് ബ്യൂറോ(ഐബി). കേസിന് അന്തർസംസ്ഥാനവും അന്തർദേശീയവുമായ ബന്ധങ്ങളുള്ളതിനാൽ യഥാർഥവസ്തുത പുറത്തുവരണമെങ്കിൽ…
തൃശൂര്: പിറന്നാള് ദിനത്തില് ഓട്ടോ നിയന്ത്രണംവിട്ട് മറിഞ്ഞ് കുഞ്ഞ് മരിച്ചു. എരവിമംഗലം നടുവിൽപറമ്പിൽ വീട്ടിൽ റിൻസണ്ന്റെ മകൾ എമിലിയ (ഒന്ന്)…
ടെഹ്റാൻ: ഇറാനിൽ കറൻസിയുടെ മൂല്യം കുത്തനെ ഇടിഞ്ഞതിനെത്തുടർന്നുള്ള വിലക്കയറ്റവിരുദ്ധ പ്രക്ഷോഭത്തിനിടെ സുരക്ഷാ ഉദ്യോഗസ്ഥനടക്കം 7 പേർ കൊല്ലപ്പെട്ടു. പടിഞ്ഞാറൻ ഇറാനിലെ…
ബെംഗളൂരു: നഗരത്തിൽ വൈദ്യുതി വിതരണവുമായി ബന്ധപ്പെട്ട അറ്റകുറ്റപ്പണികള് പണികള് നടക്കുന്നതിനാല് വിവിധയിടങ്ങളിൽ ഇന്ന് വൈദ്യുതി മുടങ്ങും. രാവിലെ 10 മുതൽ…
കോട്ടയം: സീരിയല് നടന് സിദ്ധാര്ത്ഥ് പ്രഭു ഓടിച്ച വാഹനമിടിച്ച് പരുക്കേറ്റയാള് മരിച്ചു. നാട്ടകം സ്വദേശി തങ്കരാജ് (53) ആണ് മരിച്ചത്.…
ബെംഗളുരു: നഗരത്തിലെ വൈദ്യുതി വിതരണം കാര്യക്ഷമമാക്കാൻ പുതിയ മൊബൈൽ ആപ്പ് പുറത്തിറക്കി വൈദ്യുതി വിതരണ കമ്പനിയായ ബെസ്കോം. ഡിസ്ട്രിബ്യൂഷൻ ട്രാൻസ്ഫോമർ…