ബെംഗളൂരു: ഏഷ്യയിലെ ഏറ്റവും വലിയ വ്യോമ പ്രദര്‍ശന ഷോ ആയ എയറോ ഇന്ത്യ അടുത്ത വർഷം ഫെബ്രുവരിയിൽ സംഘടിപ്പിക്കും. ഫെബ്രുവരി 10 മുതൽ 14 വരെ യെലഹങ്ക എയർഫോഴ്‌സ് സ്‌റ്റേഷനിൽ നടക്കുന്ന പരിപാടി ആഗോള എയ്‌റോസ്‌പേസ്, ഡിഫൻസ് ലാൻഡ്‌സ്‌കേപ്പിൽ ഇന്ത്യയുടെ വർധിച്ചുവരുന്ന പ്രാധാന്യം പ്രകടമാക്കുമെന്ന് ആഭ്യന്തര മന്ത്രി ജി. പരമേശ്വര പറഞ്ഞു.
പരിപാടിയുടെ ആദ്യ മൂന്ന് ദിവസങ്ങൾ ബിസിനസ് സന്ദർശകർക്കുള്ളതാണ്. പരിപാടിയുടെ അവസാന ദിനത്തിൽ പൊതുജനങ്ങൾക്കും പ്രദർശനം കാണാൻ സാധിക്കും. സന്ദർശകർക്ക് ദിവസവും രാവിലെ 9 മുതൽ വൈകുന്നേരം 6 വരെ ഇവൻ്റിൽ പങ്കെടുക്കാം. കൂടാതെ ദിവസത്തിൽ രണ്ടുതവണ ഇന്ത്യൻ എയർഫോഴ്‌സിൻ്റെയും മറ്റ് എയ്‌റോബാറ്റിക് ടീമുകളുടെയും എയർ ഷോയും നടത്തും.
1996 മുതൽ, പ്രതിരോധ മന്ത്രാലയത്തിന് കീഴിലുള്ള ഡിഫൻസ് എക്‌സിബിഷൻ ഓർഗനൈസേഷൻ, ഡിപ്പാർട്ട്‌മെൻ്റ് ഓഫ് ഡിഫൻസ് പ്രൊഡക്ഷൻ, ഡിഫൻസ് പിഎസ്‌യു ഹിന്ദുസ്ഥാൻ എയ്‌റോനോട്ടിക്‌സ് ലിമിറ്റഡ് എന്നിവ ചേർന്നാണ് എയറോ ഇന്ത്യ സ്ഥിരമായി സംഘടിപ്പിക്കുന്നത്.
TAGS: BENGALURU | AERO INDIA
SUMMARY: Bengaluru set to host Aero India 2025 from Feb 10 to 14
