കോഴിക്കോട്: വിഖ്യാത എഴുത്തുകാരന്‍ എം ടി വാസുദേവന്‍ നായരുടെ വീട്ടില്‍ മോഷണം നടന്നതായി പരാതി. കൊട്ടാരം റോഡിലുള്ള വീട്ടില്‍ നിന്ന് 26 പവനോളമാണ് കളവ് പോയിരിക്കുന്നത്. എം ടിയുടെ ഭാര്യ സരസ്വതിയുടെ പരാതിയില്‍ നടക്കാവ് പോലീസ് കേസ് എടുത്തു.
സെപ്റ്റംബര്‍ 22നും 30നും ഇടയില്‍ മോഷണം നടന്നുവെന്നാണ് സംശയം. അന്നേ ദിവസം എം.ടി. വാസുദേവൻ നായരും ഭാര്യ സരസ്വതിയും വീട്ടിൽ ഉണ്ടായിരുന്നില്ല. സ്വര്‍ണം ബാങ്ക് ലോക്കറിലാണെന്നാണ് കരുതിയിരുന്നത്. എന്നാല്‍ പരിശോധനയില്‍ വീട്ടിലും ലോക്കറിലും ആഭരണങ്ങള്‍ ഇല്ലെന്ന് കണ്ടെത്തുകയായിരുന്നു. മൂന്ന് മാല, വള, കമ്മല്‍, ഡയമണ്ട് കമ്മല്‍, ഡയമണ്ട് ലോക്കറ്റ്, മരതകം പതിച്ച ലോക്കറ്റ് എന്നിവയാണ് മോഷണം പോയവയിലുള്ളത്. കേസ് അന്വേഷിച്ചുവരികയാണ് പോലീസ്.
<br>
TAGS : MT VASUDEVAN NAIR | ROBBERY
SUMMARY : Robbery at MT’s house. Complaint that 26 rupees worth of gold was stolen
WhatsApp
Telegram
