ചെന്നൈ: ഐപിഎല്‍ മാച്ചിൽ ചെന്നൈ സൂപ്പര്‍ കിങ്‌സിനു മുന്നില്‍ 197 റണ്‍സ് ലക്ഷ്യം വച്ച് റോയല്‍ ചലഞ്ചേഴ്‌സ് ബെംഗളൂരു. ടോസ് നേടി ചെന്നൈ ബൗളിങ് തിരഞ്ഞെടുക്കുകയായിരുന്നു. ക്യാപ്റ്റന്‍ രജത് പടിദാറിന്റെ അര്‍ധ സെഞ്ച്വറിയും ടിം ഡേവിഡിന്റെ തീപ്പൊരു ബാറ്റിങും ആര്‍സിബി സ്‌കോര്‍ നിശ്ചിത ഓവറില്‍ 7 വിക്കറ്റ് നഷ്ടത്തില്‍ 196 റണ്‍സിലെത്തിച്ചു.
ക്യാപ്റ്റനെന്ന നിലയിൽ രജത് നേടുന്ന ആദ്യ ഐപിഎൽ അർധ സെഞ്ച്വറി കൂടിയാണിത്. ഫില്‍ സാള്‍ട്ട്- വിരാട് കോഹ്ലി സഖ്യം മികച്ച തുടക്കമാണ് ആര്‍സിബിക്കു നല്‍കിയത്. സാള്‍ട്ട് 16 പന്തില്‍ 5 ഫോറും ഒരു സിക്‌സും സഹിതം 32 റണ്‍സെടുത്തു. കോഹ്ലി 30 പന്തില്‍ 31 റണ്‍സെടുത്തു. ദേവ്ദത്ത് പടിക്കലും തിളങ്ങി. താരം 2 വീതം സിക്‌സും ഫോറും തൂക്കി 14 പന്തില്‍ 27 റണ്‍സെടുത്തു. ക്യാപ്റ്റന്‍ രജത് 32 പന്തില്‍ 4 ഫോറും 3 സിക്‌സും സഹിതം 51 റണ്‍സ് എടുത്തു. ടിം ഡേവിഡ് വെറും 8 പന്തില്‍ 3 സിക്‌സും ഒരു ഫോറും സഹിതം 22 റണ്‍സുമായി പുറത്താകാതെ നിന്നു.
TAGS: SPORTS | IPL
SUMMARY: RCB Builts a run score of 197 over CSK
