കാർ കുഴിയിൽ വീണ് കുട്ടികൾ ഉൾപ്പെടെ നാല് പേർക്ക് പരുക്ക്

ബെംഗളൂരു: കാർ കുഴിയിൽ വീണ് രണ്ട് കുട്ടികൾ ഉൾപ്പെടെ നാല് പേർക്ക് പരുക്ക്. ചൊവ്വാഴ്ച പുലർച്ചെ ശിവമോഗ ആയന്നൂരിന് സമീപമാണ് സംഭവം. കാർ റോഡരികിൽ നിന്ന് തെന്നിമാറി ആഴത്തിലുള്ള കുഴിയിലേക്ക് മറിയുകയായിരുന്നു.

ചിത്രദുർഗയിൽ നിന്ന് സാഗറിലേക്ക് പോവുകയായിരുന്ന കാർ ആണ് അപകടത്തിൽ പെട്ടത്. പരുക്കേറ്റ എല്ലാവരെയും ശിവമോഗയിലെ മക്ഗാൻ ആശുപത്രിയിലേക്ക് മാറ്റി. ഡ്രൈവർക്ക് നിയന്ത്രണം നഷ്ടപ്പെട്ടതാണ് അപകടകാരണമെന്ന് പോലീസ് പറഞ്ഞു. കുംസി പോലീസ് സംഭവസ്ഥലം സന്ദർശിച്ച് കേസെടുത്തു.

TAGS: KARNATAKA | ACCIDENT
SUMMARY: Four, including two children, injured as car falls into deep ditch