രാജ്യത്തെ മുൻനിര ടെലികോം സേവനദാതാക്കളിൽ ഒരാളായ ജിയോ ഉപയോക്താക്കൾക്ക് ആശ്വാസം പകരുന്ന നീക്കവുമായി എത്തിയിരിക്കുകയാണ് ഇപ്പോള്‍. പ്ലാൻ നീട്ടിനൽകിയും പണമടയ്ക്കാൻ സാവകാശം നൽകിയുമാണ് ജിയോ മാതൃകയായിരിക്കുന്നത്. പ്രളയ ബാധിത മേഖലകളായ ജമ്മു, ലഡാക്ക്, കശ്മീർ, ഹിമാചൽ പ്രദേശ് എന്നിവിടങ്ങളിലെ നിലവിലുള്ള ഉപയോക്താക്കൾക്കാണ് ഈ ഓഫര്‍ അനുവദിച്ചിരിക്കുന്നത്. പത്രക്കുറിപ്പിലൂടെയാണ് ജിയോ ഇക്കാര്യം വ്യക്തമാക്കിയിരിക്കുന്നത്.
ജിയോ പ്രീപെയ്ഡ്, ജിയോ ഹോം ഉപയോക്താക്കൾക്കാണ് സാവകാശം നൽക്കുന്നത്. മൂന്ന് ദിവസമാണ് പ്ലാൻ കാലാവധി നീട്ടിനൽകിയത്. നിലവിലെ റീചാർജിനൊപ്പം തന്നെ ഈ മൂന്ന് ദിവസവും ഉപയോക്താക്കൾക്ക് സൗജന്യ കോളുകൾ, 2 ജിബി ഡാറ്റ എന്നിവയും ലഭിക്കും. ജിയോഹോം പ്ലാനും മൂന്ന് ദിവസത്തേയ്ക്കാണ് നീട്ടിനൽകിയിരിക്കുന്നത്. ജിയോക്ക് പുറമേ എയർടെല്ലും പ്ലാനുകൾ നീട്ടി നല്‍കിയിട്ടുണ്ട്. മൂന്ന് ദിവസത്തേക്കാണ് പ്ലാനുകൾ നീട്ടിയിരിക്കുന്നത്. ഒരു ജിബി ഡാറ്റയാണ് ദിവസവും ലഭിക്കുക. എയർടെൽ പോസ്റ്റ്‌പെയ്ഡ് ഉപയോക്താക്കൾക്കും ബിൽ പേയ്‌മെന്റുകളിൽ മൂന്ന് ദിവസത്തെ സാവകാശം അനുവദിച്ചിട്ടുണ്ട്.
SUMMARY:Jio extends plan validity; more time to pay, but only here
