ബെംഗളൂരു: കർണാടകയിൽ ഗസ്റ്റ് അധ്യാപകരുടെ ഓണറേറിയം വർധിപ്പിച്ചു. സർക്കാർ പ്രൈമറി, ഹൈസ്കൂളുകളിലും പ്രീ-യൂണിവേഴ്സിറ്റി കോളേജുകളിലും ജോലി ചെയ്യുന്ന ഗസ്റ്റ് അധ്യാപകർക്കും ലക്ചറർമാർക്കും പുതിയ വർധനവ് ബാധകമായിരിക്കും. 2025-26 ലെ ബജറ്റ് പ്രഖ്യാപനത്തിന് അനുസൃതമായി, എല്ലാ ഗസ്റ്റ് അധ്യാപകർക്കും പ്രതിമാസ ഓണറേറിയം 2,000 രൂപ വർധിപ്പിക്കാൻ സർക്കാർ തീരുമാനിച്ചതായി മുഖ്യമന്ത്രി സിദ്ധരാമയ്യ പറഞ്ഞു.
നേരത്തെ സംസ്ഥാന സർക്കാർ പ്രൈമറി സ്കൂൾ ഗസ്റ്റ് അധ്യാപകർക്ക് 10,000 രൂപയും ഹൈസ്കൂൾ ഗസ്റ്റ് അധ്യാപകർക്ക് 10,500 രൂപയും ഓണറേറിയം നിശ്ചയിച്ചിരുന്നു. പുതുക്കിയ സ്കെയിൽ പ്രകാരം പ്രൈമറി സ്കൂൾ ഗസ്റ്റ് അധ്യാപകർക്ക് 12,000 രൂപയും ഹൈസ്കൂൾ ഗസ്റ്റ് അധ്യാപകർക്ക് 12,500 രൂപയുമായിരിക്കും ഇനി ലഭിക്കുക. അതുപോലെ, സർക്കാർ പ്രീ-യൂണിവേഴ്സിറ്റി കോളേജുകളിലെ ഗസ്റ്റ് ലക്ചറർമാർക്ക് നേരത്തെ പ്രതിമാസ ഓണറേറിയം 12,000 രൂപയായിരുന്നു. എന്നാൽ ഇനിമുതൽ ഇത് 14,000 രൂപയായിരിക്കും.
TAGS: KARNATAKA | GUEST TEACHERS
SUMMARY: Honorarium for guest teachers and lecturers in Karnataka raised by Rs 2,000
WhatsApp
Telegram
