വിമാനത്താവളം വഴി വിദേശ കറൻസികൾ കടത്താൻ ശ്രമം; മൂന്ന് പേർ പിടിയിൽ

ബെംഗളൂരു: ബെംഗളൂരു കെംപെഗൗഡ രാജ്യാന്തര വിമാനത്താവളം വഴി വിദേശ കറൻസികൾ കടത്താൻ ശ്രമിച്ച മൂന്ന് ശ്രീലങ്കൻ പൗരന്മാർ പിടിയിൽ. വിമൽരാജ് തുറൈസിംഗം, തിലീപൻ ജയന്തികുമാർ, വീരകുമാർ എന്നിവരാണ് സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്‌സ് (സിഐഎസ്എഫ്) ഉദ്യോഗസ്ഥരുടെ പിടിയിലായത്. ഇവരിൽ നിന്നും 2.12 കോടി രൂപ മൂല്യമുള്ള വിദേശ കറൻസികൾ പിടിച്ചെടുത്തു.

രഹസ്യവിവരം ലഭിച്ചതിന്റെ അടിസ്ഥാനത്തിൽ നടന്ന പരിശോധനയിലാണ് അറസ്റ്റ്. യൂറോ, യുഎസ് ഡോളർ, റിയാലുകൾ, മറ്റ് മൂല്യമുള്ള വിദേശ കറൻസികൾ എന്നിവ ഇവരുടെ കൈവശം നിന്ന് പിടിച്ചെടുത്തു. സംഭവത്തിൽ എൻഫോഴ്‌സ്‌മെന്റ് ഡയറക്ടറേറ്റ് കേസെടുത്തിട്ടുണ്ട്.

TAGS: ARREST
SUMMARY: Three arrested trying to smuggle foriegn currencies