ബെംഗളൂരു: അമിതവേഗതയിലായിരുന്ന കാർ ട്രക്കിലിടിച്ചുണ്ടായ അപകടത്തിൽ പ്രായപൂർത്തിയാകാത്ത നാല് കുട്ടികൾ ഉൾപ്പെടെ ആറ് പേർ മരിച്ചു. ഹാവേരി ബ്യാദ്ഗി താലൂക്കിലെ മോട്ടെബെന്നൂരിന് സമീപം പൂനെ-ബെംഗളൂരു ദേശീയ പാതയിൽ വ്യാഴാഴ്ചയാണ് അപകടമുണ്ടായത്.
ഹരിഹറിലെ സയ്യിദ് ഫർഹാൻ സയ്യിദ് ഇനാമുള്ള (20), ഉമ്മേര സയ്യിദ് ഇനാമുള്ള (11), ഗോവയിലെ മപുസയിലെ അലിഷ അക്ബർ നാരംഗി (22), പുരഖാൻ എന്ന അപ്നാൻ അക്ബർ നാരംഗി (14), റാണെബെന്നൂരിലെ ഉമ്മഷീപ അഫ്രോസ് ഉദഗട്ടി (13), ധാർവാഡിലെ ആഷിയ ഖലന്ദർ (12) എന്നിവരാണ് മരിച്ചതെന്ന് ഹാവേരി ജില്ലാ പോലീസ് സൂപ്രണ്ട് അൻഷുകുമാർ അറിയിച്ചു.
ആറ് പേരും സംഭവസ്ഥലത്ത് തന്നെ മരിച്ചു. രണ്ട് പെൺകുട്ടികൾക്ക് ഗുരുതരമായി പരുക്കേറ്റു. ഗോവയിലെ മെഹക് റഷീദ് നാരംഗി (18), റാണെബെന്നൂരിലെ ഉമ്മിതാസ്കീൻ അഫ്രോസ് ഉദഗട്ടി (11) എന്നിവർക്കാണ് പരുക്കേറ്റത്. ഇവരെ ഹാവേരിയിലെ ജില്ലാ ആശുപത്രിയിൽ പ്രാഥമിക ചികിത്സ നൽകിയ ശേഷം, ഹുബ്ബള്ളിയിലെ കെഎംസിആർഐ ആശുപത്രിയിലേക്ക് മാറ്റി. ഇതിൽ ഒരാളുടെ നില ഗുരുതരമാണ്. റാണെബെന്നൂരിൽ നിന്ന് ഹുബ്ബള്ളിയിലേക്ക് പോകുകയായിരുന്ന കാർ ആണ് അപകടത്തിൽ പെട്ടത്. അമിതവേഗതയിൽ വന്ന കാർ ഓവർടേക്ക് ചെയ്യുന്നതിനിടെ നിയന്ത്രണം വിട്ട് ട്രക്കിൽ പിന്നിൽ ഇടിച്ച് മറിയുകയായിരുന്നു. സംഭവത്തിൽ ബയദ്ഗി പോലീസ് കേസെടുത്തു.
TAGS: KARNATAKA | ACCIDENT
SUMMARY: Six, including four minors, killed in road accident in Haveri district
ന്യൂഡല്ഹി: രാജ്യത്ത് ഒന്പത് റൂട്ടുകളില് പുതിയ അമൃത് ഭാരത് എക്സ്പ്രസ് ട്രെയിനുകള് പ്രഖ്യാപിച്ച് റെയില്വേ. മന്ത്രി അശ്വിനി വൈഷ്ണവാണ് പ്രഖ്യാപനം…
കൊച്ചി: കൊച്ചി കോര്പറേഷന്റെ സമഗ്ര വികസനം ലക്ഷ്യമിട്ട് 21 കര്മ്മ പദ്ധതികളുമായി മേയര് വി കെ മിനിമോള്. കോര്പറേഷന് ഭരണം…
ഇടുക്കി: മകരവിളക്ക് പ്രമാണിച്ച് ഇടുക്കിയിലെ അഞ്ച് പഞ്ചായത്തുകളിലെ സ്ക്കൂളുകൾക്ക് ജില്ല കളക്ടർ നാളെ (14 ജനുവരി) പ്രദേശിക അവധി പ്രഖ്യാപിച്ചു.…
ബെംഗളൂരു: കേരള അത്ലറ്റ് ഫിസിക് അലയൻസ് (കെഎപിഎ) കോഴിക്കോട് സംഘടിപ്പിച്ച അഖില കേരള ഫിറ്റ്നസ് ചാമ്പ്യൻഷിപ്പ് മത്സരത്തിൽ കിഡ്സ് ഫിറ്റ്നസ്സ്…
ബെംഗളൂരു: കർണാടക ആർടിസിയുടെ ടിക്കറ്റ് ബുക്കിംഗ് സേവനങ്ങള് ഇനി മുതല് ബെംഗളൂരു വൺ, കർണാടക വൺ സെന്ററുകളിലും ലഭിക്കും. നഗരത്തിലെ…
ചെന്നൈ: കരൂർ രാഷ്ട്രീയ റാലിക്കിടെയുണ്ടായ ദുരന്തവുമായി ബന്ധപ്പെട്ട കേസിൽ വിജയ്യെ വീണ്ടും ചോദ്യം ചെയ്യും. ഈ മാസം 19ന് ഹാജരാവാനാണ്…