അർജുനായുള്ള തിരച്ചിൽ; ഡ്രഡ്ജ്ർ ഉപയോഗിച്ചുള്ള പരിശോധന പത്ത് ദിവസം കൂടി തുടരും

ബെംഗളൂരു: ഷിരൂർ മണ്ണിടിച്ചിലിൽ കാണാതായ അർജുൻ ഉൾപ്പെടെയുള്ളവർക്ക് വേണ്ടി ഡ്രഡ്ജ്ർ ഉപയോഗിച്ചുള്ള പരിശോധന പത്ത് ദിവസം കൂടി തുടരും. തിരച്ചിലുമായി ബന്ധപ്പെട്ട് മൂന്ന് ദിവസമായിരുന്നു ഡ്രഡ്ജിങ് കമ്പനിക്ക് കരാർ നൽകിയിരുന്നത്. എന്നാൽ ഇതുവരെ കാര്യമായ ഫലം ലഭിക്കാത്തതിനാൽ ദൗത്യം വീണ്ടും 10 ദിവസത്തേക്ക് കൂടി നീട്ടുകയാണെന്ന് ഉത്തര കന്നഡ ജില്ലാ കളക്ടർ ലക്ഷ്മിപ്രിയ പറഞ്ഞു.

ഔദ്യോഗിക സംവിധാനങ്ങൾ ഉപയോഗിച്ചുകൊണ്ട് തിരച്ചിൽ വീണ്ടും പുനരാരംഭിക്കുമെന്നും കളക്ടർ സൂചിപ്പിച്ചു. ദൗത്യത്തിനായി മേജർ ഇന്ദ്രബാലിന്റെ സഹായം തേടുമെന്നും തിരച്ചിൽ തുടരുമെന്നും കാർവാർ എംഎൽഎ സതീഷ് കൃഷ്ണ സെയിൽ അറിയിച്ചു. തിങ്കളാഴ്ച റിട്ടയേർഡ് മേജർ ജനറൽ ഇന്ദ്രബാലൻ ഷിരൂരിൽ എത്തും. അഞ്ചു ഡൈവർമാർ അടിത്തട്ടിൽ പരിശോധന നടത്താൻ സജ്ജമാണ്. ഈശ്വർ മാൽപ ഇല്ലെങ്കിലും തിരച്ചിൽ നടത്താനാകും. അതിനായി ഒരു തടസ്സവും ഉണ്ടാകില്ലെന്നും എംഎൽഎ പറഞ്ഞു.

TAGS: ARJUN | LANDSLIDE
SUMMARY: Drudger for rescue operation of atjun to continue for ten more days