കളിച്ചുകൊണ്ടിരിക്കുന്നതിനിടെ ആറുവയസുകാരന്‍ കുഴല്‍ക്കിണറില്‍ വീണു; രക്ഷാപ്രവര്‍ത്തനം പുരോഗമിക്കുന്നു

കളിക്കിടയില്‍ ആറുവയസ്സുകാരൻ മധ്യപ്രദേശിലെ രേവ ജില്ലയില്‍ 50 അടി താഴ്ചയുള്ള തുറന്ന കുഴല്‍ക്കിണറില്‍ വീണു. കുട്ടി അപകടത്തില്‍പ്പെട്ടത് കൃഷിയിടത്തില്‍ കളിക്കുന്നതിനിടയിലാണ്. തുടർന്ന് നാട്ടുകാർ പോലീസിനെ വിവരമറിയിക്കുകയായിരുന്നു. ആറു സെന്‍റീമീറ്റര്‍ വ്യാസമുള്ള കുഴല്‍ക്കിണറിനു സമാന്തരമായി കുഴിയെടുക്കാനുള്ള ശ്രമങ്ങള്‍ അധികൃതർ ആരംഭിച്ചു.

മണ്ണുമാന്തി യന്ത്രങ്ങള്‍ ഇതിനായി സ്ഥലത്തെത്തിച്ചു. രക്ഷാപ്രവർത്തനത്തിനായി വാരണാസിയില്‍ നിന്നുള്ള റെസ്‌ക്യൂ ടീമും സംഭവസ്ഥലത്തേയ്ക്ക് തിരിച്ചിട്ടുണ്ട്. വൈകാതെ തന്നെ കുട്ടിയെ രക്ഷിക്കാൻ കഴിയുമെന്നാണ് അധികൃതരുടെ പ്രതീക്ഷ. കുട്ടിയുടെ ശാരീരികവും മാനസികവുമായ ആരോഗ്യം പരിശോധിക്കാനുള്ള മെഡിക്കല്‍ സംഘത്തെയും നിയോഗിച്ചിട്ടുണ്ട്.

The post കളിച്ചുകൊണ്ടിരിക്കുന്നതിനിടെ ആറുവയസുകാരന്‍ കുഴല്‍ക്കിണറില്‍ വീണു; രക്ഷാപ്രവര്‍ത്തനം പുരോഗമിക്കുന്നു appeared first on News Bengaluru.