ബെംഗളൂരു : കേരളസമാജം കന്റോൺമെന്റ് സോൺ വനിതാവിഭാഗത്തിന്റെ നേതൃത്വത്തിൽ വനിതാദിനാഘോഷം സംഘടിപ്പിച്ചു. യെലഹങ്ക മിഷണറീസ് ഓഫ് ചാരിറ്റി-മദർ തെരേസാസ് ഹോമിൽ നടത്തിയ ആഘോഷം മദർ സുപ്പീരിയർ സിസ്റ്റർ മേബിൾ ഉദ്ഘടനംചെയ്തു. കെയ്ക്ക് മുറിച്ചും ഭക്ഷണം വിതരണംചെയ്തും അമ്മമാർക്കൊപ്പം വനിതാദിനം ആഘോഷിച്ചു.
സോൺ വനിതാവിഭാഗം ചെയർപേഴ്സൺ ദിവ്യാ മുരളി അധ്യക്ഷതവഹിച്ചു. കേരളസമാജം ജനറൽസെക്രട്ടറി റജികുമാർ, അസിസ്റ്റന്റ് സെക്രട്ടറി വി. മുരളീധരൻ, സോൺ ചെയർപേഴ്സൺ ഡോ. ലൈല രാമചന്ദ്രൻ, കൺവീനർ ഹരികുമാർ, വനിതാവിഭാഗം നേതാക്കളായ ദേവി ശിവൻ, രമ്യാ ഹരികുമാർ, ഷീനാ ഫിലിപ്പ്, പദ്മിനി സേതുമാധവൻ, റാണി മധു, പ്രിയ പ്രസാദ് തുടങ്ങിയവർ പങ്കെടുത്തു.
<br>
TAGS : KERALA SAMAJAM,
