ബെംഗളൂരു: ബെംഗളൂരുവിൽ അമിതവേഗതയിലെത്തിയ സ്വകാര്യ ബസ് ബൈക്കിലിടിച്ച് യുവാവ് മരിച്ചു. കനകപുര റോഡിലെ സരക്കി സിഗ്നലിൽ വൈകുന്നേരം 7.50 ഓടെയാണ് സംഭവം. ബൊമ്മനഹള്ളി സ്വദേശി ശങ്കർ (45) ആണ് മരിച്ചത്.
ശങ്കർ സഞ്ചരിച്ച ബൈക്കിലേക്ക് ബസ് പുറകിൽ നിന്ന് ഇടിക്കുകയായിരുന്നു. ബസ് അമിതവേഗത്തിലായിരുന്നുവെന്ന് പോലീസ് പറഞ്ഞു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ ശങ്കറിന്റെ തലയിലൂടെ ബസിന്റെ മുൻചക്രം കയറിയിറങ്ങുകയായിരുന്നു. ട്രാഫിക് പോലീസ് സ്ഥലത്തെത്തി ബസ് ഡ്രൈവറെയും വാഹനത്തെയും കസ്റ്റഡിയിലെടുത്തു. സംഭവത്തിൽ കുമാരസ്വാമി ലേഔട്ട് ട്രാഫിക് പോലീസ് കേസെടുത്തു.
TAGS: BENGALURU | ACCIDENT
SUMMARY: Man dies after private bus hits bike
