ബെംഗളൂരു: ഗണേശോത്സവത്തിന് മുന്നോടിയായി പുതിയ മാർഗനിർദേശങ്ങൾ പുറത്തിറക്കി ബെസ്കോം. പൊതുജന സുരക്ഷയും ശരിയായ വൈദ്യുതി ഉപയോഗവും ഉറപ്പാക്കാനാണ് നടപടി. താൽക്കാലിക വൈദ്യുതി കണക്ഷനുകൾ ക്രമീകരിക്കുന്നതിന് പരിപാടികളുടെ സംഘാടകർ അതാത് സബ് ഡിവിഷണൽ ഓഫീസർമാരുമായി ബന്ധപ്പെടാൻ നിർദ്ദേശം നൽകിയിട്ടുണ്ട്.
വൈദ്യുത അപകടങ്ങൾ തടയുന്നതിന് പൊതുപരിപാടികളിൽ വിഗ്രഹം സ്ഥാപിക്കുമ്പോഴും നീക്കം ചെയ്യുമ്പോഴും സുരക്ഷാ നടപടികൾ പാലിക്കേണ്ടത് പ്രധാനമാണെന്ന് ബെസ്കോം മാനേജിംഗ് ഡയറക്ടർ മഹന്തേഷ് ബിലാഗി പറഞ്ഞു.
സ്റ്റാളുകൾ, സീരിയൽ ലൈറ്റുകൾ, മറ്റ് അലങ്കാരങ്ങൾ എന്നിവ സ്ഥാപിക്കുമ്പോൾ, വൈദ്യുത കമ്പികളിൽ നിന്ന് അകലം പാലിക്കണം. സീരിയൽ ലൈറ്റുകളുടെ വയറിംഗ് ശരിയായി ഇൻസുലേറ്റ് ചെയ്തിട്ടുണ്ടെന്ന് ഉറപ്പാക്കുക. തെരുവുവിളക്കുകൾ സ്ഥാപിക്കുമ്പോൾ വൈദ്യുത തൂണുകളുമായുള്ള സമ്പർക്കം ഒഴിവാക്കുക. ഇലക്ട്രിക്കൽ വയറുകളിലോ തൂണുകളിലോ ട്രാൻസ്ഫോർമർ സ്റ്റേഷനുകളിലോ ടെൻ്റുകളോ മറ്റ് വസ്തുക്കളോ ഘടിപ്പിക്കരുത്. ഘോഷയാത്രകൾ നടക്കുമ്പോൾ മുകളിൽ വൈദ്യുതി ലൈനുകൾ ഇല്ലെന്ന് ഉറപ്പാക്കണം.
എന്ത് അപകടമുണ്ടായാലും പ്രാദേശിക അധികാരികളെ ഉടൻ വിവരമറിയിക്കണം. സബ് ഡിവിഷണൽ ഓഫീസർമാരെ ഗണേശ റാലി റൂട്ടിനെക്കുറിച്ച് മുൻകൂട്ടി അറിയിക്കുക. കൂടാതെ, താൽക്കാലിക വൈദ്യുതി കണക്ഷൻ ലഭിക്കുന്നതിന്, സംഘാടകർ ആദ്യം ബിബിഎംപി, ബിഡിഎ, ഗ്രാമപഞ്ചായത്ത്, ലോക്കൽ പോലീസ് സ്റ്റേഷൻ എന്നിവയുൾപ്പെടെ വിവിധ അധികാരികളിൽ നിന്ന് എൻഒസി പത്രം വാങ്ങണമെന്നും ബെസ്കോം അറിയിച്ചു.
TAGS: BENGALURU | BESCOM
SUMMARY: BESCOM issues new safety guidelines for Ganesh Chaturthi
തൃശൂർ: മുണ്ടത്തിക്കോട് വെടിക്കെട്ട് പുരയിലുണ്ടായ സ്ഫോടനത്തിൽ ചികിത്സയിലായിരുന്ന ഒരാൾ കൂടി മരണത്തിന് കീഴടങ്ങി. ഇതോടെ ദുരന്തത്തിൽ ജീവൻ നഷ്ടപ്പെട്ടവരുടെ എണ്ണം…
ബെംഗളൂരു: നഗരത്തിലെ സ്വകാര്യ കോളേജിലെ മലയാളി വിദ്യാർഥികളെ താമസ സ്ഥലത്തുവെച്ച് ആക്രമിച്ച് പണവും മൊബൈൽ ഫോണുകളും ലാപ്ടോപ്പുകളും കവർന്ന സംഭവത്തില്…
ബെംഗളൂരു: ഭർത്താവിന്റെ അസുഖവും ജോലിസമ്മർദ്ദവും മൂലം അധ്യാപിക സ്വയം വെടിവെച്ചു ജീവനൊടുക്കി. കുടക് ജില്ലയിലെ വാഗമണ്ഡല ചേരമ്പാനെ ജി എം…
കൊച്ചി: കവർച്ച കേസ് പ്രതികൾ പോലീസ് കസ്റ്റഡിയിൽ നിന്ന് രക്ഷപ്പെട്ടു. കടവന്ത്ര പോലീസ് പിടികൂടിയ പ്രതികളെ മജിസ്ട്രേറ്റിന് മുന്നിൽ ഹാജരാക്കാൻ…
കണ്ണൂര്: ബെംഗളൂരുവിൽ നിന്നും അന്തർസംസ്ഥാന ബസിൽ ഇരിട്ടിയിലെത്തിയ രണ്ട് യുവാക്കളെ എംഡിഎംഎയുമായി എക്സൈസ് സംഘം പിടികൂടി. നുച്യാട് സ്വദേശികളായ എം.…
ന്യൂഡൽഹി: ആം ആദ്മി പാർടി വിട്ട് ബിജെപിയിൽ ചേർന്ന ഏഴ് രാജ്യസഭാ എംപിമാരുടെ അംഗത്വം റദ്ദാക്കണമെന്നാവശ്യപ്പെട്ട് എഎപി നേതാവ് സഞ്ജയ് സിങ്…