അഹമ്മദാബാദ് : കനത്ത മഴ തുടരുന്ന ഗുജറാത്തിലെ വിവിധയിടങ്ങളില്‍ വെള്ളക്കെട്ട് രൂപപ്പെട്ടു. വഡോദര ടൗണില്‍ വെള്ളം കയറിയതോടെ ജനജീവിതം ദുസഹമായി. ശക്തമായ മഴയില്‍ വിശ്വാമിത്രി നദിയില്‍ ജലനിരപ്പ് ഉയര്‍ന്നതോടെയാണ് വഡോദരയില്‍ വെള്ളക്കെട്ടുണ്ടായത്. കഴിഞ്ഞ 24 മണിക്കൂറിനിടെ മഴയുമായി ബന്ധപ്പെട്ടുണ്ടായ അപകടങ്ങളിൽ മൂന്ന് പേർ മരിച്ചു. വഡോദരയിലൂടെ ഒഴുകുന്ന വിശ്വാമിത്രി നദി കരകവിഞ്ഞൊഴുകുകയാണ്. ഇതൂമൂലം ജനവാസ കേന്ദ്രങ്ങൾ രൂക്ഷമായ വെള്ളക്കെട്ടാണ് അനുഭവപ്പെടുന്നത്. മുട്ടോളം വെള്ളത്തിലൂടെ ആളുകൾ നടക്കുന്നത് ദൃശ്യങ്ങളിൽ കാണാം.
കനത്ത മഴയെത്തുടർന്ന് അജ്‌വ റിസർവോയറിൽ നിന്നും പ്രതാപപുര റിസർവോയറിൽ നിന്നും വെള്ളം വിശ്വാമിത്രി നദിയിലേക്ക് തുറന്നുവിട്ടതാണ് വെള്ളക്കെട്ടിന് കാരണമായത്.
തിങ്കളാഴ്ച വഡോദരയിൽ 26 സെൻ്റീമീറ്റർ മഴ പെയ്തതായി ഐഎംഡി അറിയിച്ചു. വഡോദരയ്ക്ക് പുറമെ രാജ്‌കോട്ടിൽ 19 സെൻ്റിമീറ്ററും അഹമ്മദാബാദിൽ 12 സെൻ്റിമീറ്ററും ഭുജിലും നാലിയയിലും 8 സെൻ്റീമീറ്ററും ഓഖയിലും ദ്വാരകയിലും 7 സെൻ്റീമീറ്ററും പോർബന്തറിൽ 5 സെൻ്റീമീറ്ററും മഴ ലഭിച്ചു.
താഴ്ന്ന പ്രദേശങ്ങളിൽ തിങ്കളാഴ്ച വൈകുന്നേരം മുതൽ വീടുകളിലേക്ക് വെള്ളം കയറിയിട്ടുണ്ട്. ആളുകൾ മറ്റ് സുരക്ഷിത സ്ഥാനങ്ങളിലേക്ക് മാറുകയാണ്. ഭക്ഷണത്തിന് ക്ഷാമമുണ്ട്. ആളുകൾ വളരെയധികം ബുദ്ധിമുട്ട് നേരിടുന്നുവെന്നും പ്രദേശവാസികൾ പറഞ്ഞു. ഇതുപോലൊരു വെള്ളപ്പൊക്കം മുമ്പ് കണ്ടിട്ടില്ലെന്നും അവർ വ്യക്തമാക്കി.
കനത്ത മഴയെത്തുടർന്ന് വഡോദരയിലെ കാശി വിശ്വനാഥ മഹാദേവ ക്ഷേത്ര സമുച്ചയം വെള്ളത്തിനടിയിലായതിനാൽ ക്ഷേത്ര പരിസരം ചൊവ്വാഴ്ച അടച്ചു. ഈ മേഖലയിൽ കഴിഞ്ഞ 30 വർഷത്തിനിടെ ഇത്രയും മഴ കണ്ടിട്ടില്ലെന്ന് ജനങ്ങൾ പറഞ്ഞു.
ഗാന്ധിനഗറിലെ മഹാത്മാ മന്ദിർ അണ്ടർബ്രിഡ്ജിലെ സെക്ടർ 13ൽ വെള്ളം ഇറങ്ങിയതിനെ തുടർന്ന് വാഹനങ്ങളുടെ നമ്പർ പ്ലേറ്റുകൾ ചിതറിക്കിടക്കുന്ന നിലയിൽ കണ്ടെത്തി. തുടർച്ചയായി പെയ്യുന്ന മഴയിൽ പ്രദേശം രൂക്ഷമായ വെള്ളക്കെട്ടാണ് നേരിട്ടത്.
മുഖ്യമന്ത്രി ഭൂപേന്ദ്ര പട്ടേൽ ഇന്ന് സ്ഥിതിഗതികൾ വിലയിരുത്താൻ അടിയന്തര യോഗം ചേർന്നു. വരുന്ന 2-3 ദിവസങ്ങളിലും നല്ല മഴയുണ്ടാകുമെന്നാണ് കാലാവസ്ഥാ പ്രവചനം.
<BR>
TAGS : GUJARAT | HEAVY RAIN
SUMMARY : Heavy rains, floods in Gujarat; People’s life became difficult and 3 people died in 24 hours
പാലക്കാട്: പാലക്കാട് നാട്ടുകല്ലില്‍ ഒന്‍പതാം ക്ലാസ് വിദ്യാർഥിനി ആത്മഹത്യ ചെയ്ത സംഭവത്തില്‍ ആരോപണവിധേയരായ അധ്യാപകര്‍ക്കെതിരെ നടപടിയുമായി സ്‌കൂള്‍ മാനേജ്മെന്റ്. ആരോപണ…
തിരുവനന്തപുരം: ഭാരതാംബ ചിത്ര വിവാദത്തിൽ പ്രതിഷേധങ്ങൾക്കു വഴങ്ങാനില്ലെന്ന് കേരള ഗവർണർ രാജേന്ദ്ര ആർലേക്കർ. കേരള സർവകലാശാല സെനറ്റ് ഹാളിൽ ഗവർണർ…
കൊച്ചി: മോഹൻലാൽ ചിത്രം എമ്പുരാന്റെ വ്യാജ പ്രിന്റ് പുറത്തിറങ്ങിയതിനു പിന്നിൽ ഗൂഡാലോചനയെന്ന് പോലീസ്. സിനിമ ചോർന്നത് തിയേറ്ററിൽ നിന്നാണെന്നാണ് നിഗമനം.…
ഇടുക്കി: ജില്ലയിൽ കനത്ത മഴ നിലനിൽക്കുന്ന സാഹചര്യത്തിൽ ജില്ലയിലെ ജല – സാഹസിക വിനോദങ്ങൾക്ക് നിയന്ത്രണം ഏർപ്പെടുത്തി. ജില്ലയിൽ ഓറഞ്ച്…
പാലക്കാട്: പാലക്കാട് നാട്ടുകല്ലിൽ ഒൻപതാം ക്ലാസുകാരി ആത്മഹത്യ ചെയ്തതിൽ സ്കൂളിനെതിരെ ആരോപണവുമായി ബന്ധുക്കൾ. സ്കൂൾ അധികൃതരുടെ മാനസിക പീഡനമാണ് കുട്ടി…
ന്യൂഡൽഹി: ഡൽഹിയിലെ രോഹിണിയിലെ റിഥാലയിൽ അഞ്ചുനില കെട്ടിടത്തിലുണ്ടായ വൻ തീപിടിത്തത്തിൽ നാലുപേർ മരിക്കുകയും മൂന്നുപേർക്ക് പരുക്കേൽക്കുകയും ചെയ്തു. ചൊവ്വാഴ്ച രാത്രിയാണ്…