ശ്രീനഗർ: ജമ്മുകശ്മീരിൽ വീണ്ടും ഭീകരാക്രമണം. പുൽവാമ അവന്തിപ്പോറയിൽ അവധിയിലായിരുന്ന സൈനികന് നേരെയാണ് ഭീകരർ വെടിയുതിർത്തത്. ആക്രമണത്തിൽ സൈനികൻ ദെൽഹയർ മുഷ്താഖിനാണ് പരുക്കേറ്റത്. ഇദ്ദേഹത്തെ ആശുപത്രിയിൽ പ്രവേശിപ്പിച്ചു.
പ്രദേശത്ത് ഏറ്റുമുട്ടൽ തുടരുകയാണെന്നും ഭീകരർക്കായുള്ള തിരച്ചിൽ നടത്തി വരിയാണെന്നും സൈന്യം അറിയിച്ചു. മുഷ്താഖിന്റെ കാലിനാണ് വെടിയേറ്റത്. എന്നാൽ ആരോഗ്യനില തൃപ്തികരമാണെന്ന് ആശുപത്രി അധികൃതർ വ്യക്തമാക്കി. കഴിഞ്ഞ ദിവസം ദച്ചിഗാം വനമേഖലയിലുണ്ടായ ഏറ്റുമുട്ടലിൽ ലഷ്കർ-ഇ-തൊയ്ബ ഭീകരൻ കൊല്ലപ്പെട്ടിരുന്നു.
ഇതിന് പിന്നാലെയാണ് വീണ്ടും ഭീകരാക്രമണമുണ്ടായിരിക്കുന്നത്. ഗഗൻഗീറിലും ഗന്ദർബാലിലും നടത്തിയ ഭീകരാക്രമണത്തിന് പിന്നിൽ പ്രവർത്തിച്ച ഭീകരൻ ജുനൈദ് അഹമ്മദ് ഭട്ടിനെയാണ് സുരക്ഷാ സേന ദച്ചിഗാം വനമേഖലയിൽ വച്ച് കൊലപ്പെടുത്തിയത്.
TAGS: NATIONAL | TERROR ATTACK
SUMMARY: Jammu And Kashmir Terror Attack, Army Jawan Shot At By Terrorists In Pulwama
WhatsApp
Telegram
