നിയന്ത്രണം നഷ്ടപ്പെട്ടു; കാറുകളും ബൈക്കുകളും ഇടിച്ചുതെറിപ്പിച്ച് ബിഎംടിസി ബസ്

ബെംഗളൂരു: ബെംഗളൂരുവിൽ ബിഎംടിസി വോൾവോ ബസ് നിയന്ത്രണം വിട്ട് അപകടം. ഓടിക്കൊണ്ടിരിക്കെ നിയന്ത്രണം നഷ്ടമായ ബസ് മുമ്പിൽ പോകുകയായിരുന്ന നിരവധി വാഹനങ്ങൾ ഇടിച്ചുതെറിപ്പിക്കുകയായിരുന്നു. സംഭവത്തിൽ രണ്ടുപേർക്ക് പരുക്കേറ്റു. ഹെബ്ബാൾ ഫ്ലൈഓവറിലാണ് സംഭവം. സംഭവത്തിൻ്റെ സിസിടിവി ദൃശ്യങ്ങൾ പുറത്തുവന്നു.

ഒറ്റക്കൈകൊണ്ട് ഡ്രൈവർ ബസ് ഓടിക്കുന്നത് പുറത്തുന്ന സിസിടിവി ദൃശ്യങ്ങളിലുണ്ട്. റോഡിലെ ട്രാഫിക് ശ്രദ്ധയിൽപെട്ടതോടെ ഡ്രൈവർ ബ്രേക്ക് ചവിട്ടാൻ ശ്രമിക്കുന്നതും ദൃശ്യങ്ങളിൽ കാണാം. ഇതിന് പിന്നാലെ ബസ് മുമ്പിൽ പോകുകയായിരുന്ന കാറുകളിലേക്കും ഇരുചക്രവാഹനങ്ങളലേക്കും ഇടിച്ചുകയറുകയായിരുന്നു. വാഹനങ്ങളുമായി ബസ് 10 സെക്കൻഡോളം മുന്നോട്ടുനീങ്ങി.

ബസിലെ സിസിടിവി കാമറയിൽ പതിഞ്ഞ ദൃശ്യങ്ങളാണ് പുറത്തുവന്നത്. ഡ്രൈവർക്ക് നിയന്ത്രണം നഷ്ടപ്പെട്ടതോടെ കണ്ടക്ടർ ഡ്രൈവർക്ക് അടുത്തേക്ക് എത്തുന്നതും ബ്രേക്ക് ചവിട്ടാൻ ആവശ്യപ്പെടുന്നതും ദൃശ്യങ്ങളിൽ കാണാം. അപകടത്തിൽ ബസിൻ്റെ വിൻഡ്ഷീൽഡ് തകർന്നു. സംഭവത്തിൽ അന്വേഷണം നടക്കുന്നതായി ബിഎംടിസി അധികൃതർ അറിയിച്ചു.

#karnataka#Bengaluru
A Volvo BMTC bus driver lost control and caused a series of accidents on the Hebbal flyover in North Bengaluru, one of the city’s busiest areas. The bus was en route from the airport to HSR Layout when the accident occurred. pic.twitter.com/f3VI5OAYmY

— Express Bengaluru (@IEBengaluru) August 13, 2024

TAGS: BENGALURU | BMTC | ACCIDENT
SUMMARY: BMTC bus involved in series of accidents