ബെംഗളൂരു: ബിഎംടിസി ബസിടിച്ച് സ്കൂട്ടർ യാത്രക്കാരി മരിച്ചു. ഉള്ളാൽ മെയിന് റോഡിലെ മാരുതി നഗറില് താമസിക്കുന്ന മോണിക്ക (28) ആണ് മരിച്ചത്. ഉള്ളാൽ ഉപനഗർ തടാകത്തിന് സമീപം 80 ഫീറ്റ് റോഡിലാണ് സംഭവം. നാഗർഭാവിയിലെ റോയൽ എൻഫീൽഡ് ഷോറൂമിൽ റിസപ്ഷനിസ്റ്റായി ജോലി ചെയ്തിരുന്ന മോണിക്ക ജോലിക്ക് പോകുന്നതിനിടെയാണ് അപകടമുണ്ടായത്.
കെംഗേരി നിന്ന് മുട്ടനപാളിയിലേക്ക് പോവുകയായിരുന്ന ബിഎംടിസി ബസ് മോണിക്കയുടെ സ്‌കൂട്ടറിൽ ഇടിക്കുകയായിരുന്നു. റോഡിലേക്ക് തെറിച്ചുവീണ മോണിക്കയുടെ ദേഹത്ത് കൂടി കാർ കയറിയിറങ്ങി. തലയ്ക്ക് ഗുരുതരമായി പരുക്കേറ്റ മോണിക്ക സംഭവസ്ഥലത്ത് തന്നെ മരിച്ചു. ബെംഗളൂരു വാട്ടർ സപ്ലൈ ആൻഡ് സ്വീവറേജ് ബോർഡ് (ബിഡബ്ല്യൂഎസ്എസ്‌ബി) പൈപ്പ് ലൈൻ പണി നടക്കുന്നതിനാൽ റോഡിൻ്റെ ഒരു വശത്തേക്ക് ഗതാഗതം തിരിച്ചുവിട്ടിരുന്നു. ഇതാണ് അപകടത്തിന് കാരണമായതെന്ന് പോലീസ് പറഞ്ഞു. സംഭവത്തിൽ ബിഎംടിസി ബസ് ഡ്രൈവർ സുരേഷ്, ക്യാബ് ഡ്രൈവർ ശരൺ പ്രസാദ്, ബിഡബ്ല്യുഎസ്എസ്ബി ഉദ്യോഗസ്ഥർ എന്നിവർക്കെതിരെ പൊലീസ് കേസെടുത്തു.
TAGS: BENGALURU | ACCIDENT
SUMMARY: Knocked down by BMTC bus, woman in Bengaluru dies
WhatsApp
Telegram
