ബെംഗളൂരു: ബിബിഎംപി ബജറ്റ് അവതരണം ഇന്ന്. തിരഞ്ഞെടുക്കപ്പെടാത്ത കൗൺസിൽ ഇല്ലാതെയ്ല്ല ബിബിഎംപിയുടെ അഞ്ചാമത്തെ വാർഷിക ബജറ്റാണിത്. ബിബിഎംപി ചീഫ് കമ്മീഷണർ തുഷാർ ഗിരിനാഥ്, അഡ്മിനിസ്ട്രേറ്റർ എസ്ആർ ഉമാശങ്കർ എന്നിവരുടെ സാന്നിധ്യത്തിൽ ബിബിഎംപി സ്പെഷ്യൽ കമ്മീഷണർ (ധനകാര്യം) ഹരീഷ് കുമാർ ബജറ്റ് അവതരിപ്പിക്കും.
രാവിലെ 11 മണിക്കാണ് ബജറ്റ് അവതരണം. 2024-25 ബജറ്റിനെ അടിസ്ഥാനമാക്കിയുള്ള നടപടി റിപ്പോർട്ടും ബിബിഎംപി അവതരിപ്പിക്കുമെന്ന് ചീഫ് കമ്മീഷണർ തുഷാർ ഗിരിനാഥ് പറഞ്ഞു. സംസ്ഥാന സർക്കാരിൽ നിന്ന് 7,000 കോടി രൂപ അധികമായി അനുവദിച്ചതിനാൽ മൊത്തം ബജറ്റ് തുക ഇത്തവണ വർധിപ്പിക്കും.
ലോകബാങ്ക് ഗ്രാന്റും മറ്റ് വരുമാന സ്രോതസ്സുകളും ഇതിൽ ഉൾപ്പെടുത്തുമെന്നും അദ്ദേഹം പറഞ്ഞു. നഗരവികസനം, അഴുക്കുചാലുകളുടെ നവീകരണം, മഴവെള്ളസംഭരണികളുടെ നിർമാണം എന്നിവയ്ക്ക് പ്രധാന ഊന്നൽ നൽകുമെന്ന് അദ്ദേഹം കൂട്ടിച്ചേർത്തു.
TAGS: BBMP | BUDGET
SUMMARY: BBMP annual budget to be presented today
