ചെന്നൈ: മുംബൈയിലെ കുപ്രസിദ്ധ മാല മോഷ്ടാവിനെ തമിഴ്നാട് പോലീസ് ഏറ്റുമുട്ടലിനിടെ വെടിവച്ചു കൊന്നു. താനെയിലെ അംബിവാലി ഇറാനി ബസ്തി സ്വദേശി ജാഫർ ഇറാനിയെന്ന 28കാരനാണ് കൊല്ലപ്പെട്ടത്, ബുധനാഴ്ചയാണ് സംഭവം. മോട്ടോര്‍ സൈക്കിളില്‍ എത്തി മാല പൊട്ടിച്ച് മുങ്ങുന്ന ഈ സംഘത്തെ പിടികൂടാന്‍ ശ്രമിക്കുന്നതിനിടെ വെടിവെപ്പുണ്ടായെന്നാണ് പോലീസ് പറയുന്നത്. പോലീസുകാർക്കെതിരെ വെടിയുതിർത്തതോടെയാണ് ഇയാളെ വെടിവച്ച് വീഴ്ത്തിയത്. ഏറ്റുമുട്ടലില്‍ നിരവധി പോലീസുകാര്‍ക്ക് പരുക്കേറ്റു.
ഇയാളുടെ സംഘം ചെന്നൈയില്‍ ആറോളം യുവതികളുടെ മാലകള്‍ കവര്‍ന്നതായി പോലീസ് പറയുന്നു. എട്ട് കേസുകള്‍ ഇയാള്‍ക്കെതിരെ രജിസ്റ്റര്‍ ചെയ്തതായി പോലീസ് വിശദമാക്കി. ആറ് മാസം മുന്‍പാണ് ഇയാള്‍ മറ്റൊരു മോഷണ കേസില്‍ ജയിലില്‍ നിന്ന് ഇറങ്ങിയത്. രാജ്യത്തിന്റെ പല ഭാഗങ്ങളിലായി ഇയാള്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ടെന്നും വിമാനമാര്‍ഗം പ്രമുഖ നഗരങ്ങളില്‍ എത്തിയാണ് ഇവര്‍ മോഷണം നടത്തിയിരുന്നതെന്നും പോലീസ് പറയുന്നു. ഇറാനി ബസ്തിയിലും പരിസരത്തും പോലീസ് നിരീക്ഷണം ശക്തമായതോടെയാണ് മേഖലയിലെ മോഷണ സംഘങ്ങൾ രാജ്യത്തിന്റെ പലമേഖലയിലേക്ക് മോഷണത്തിനെത്താൻ തുടങ്ങിയത്.
<BR>
TAGS : ENCOUNTER | GOLD SNATCHING
SUMMARY : Mumbai’s notorious necklace thief shot dead by Tamil Nadu police
