ബെംഗളൂരു: ബെംഗളൂരുവിൽ ഓരോ മണിക്കൂറിലും 5,687 ഗതാഗത നിയമലംഘനങ്ങൾ രജിസ്റ്റർ ചെയ്യുന്നതായി റിപ്പോർട്ട്. സിറ്റി ട്രാഫിക് പോലീസ് ആണ് ഇത് സംബന്ധിച്ച് റിപ്പോർട്ട് പുറത്തുവിട്ടത്. എഐ കാമറകൾ വഴിയാണ് നിയമലംഘനങ്ങൾ രജിസ്റ്റർ ചെയ്യപ്പെടുന്നത്. ഈ വർഷം മെയ് മുതൽ സെപ്റ്റംബർവരെയാണ് ഓരോ മണിക്കൂറിലും 5,687 ഗതാഗത നിയമലംഘനങ്ങൾ രേഖപ്പെടുത്തിയത്.
മേയ് ഒന്നുമുതൽ 80 ലക്ഷത്തിലേറെ ഗതാഗത നിയമലംഘനങ്ങളാണ് എഐ കാമറകൾ കണ്ടെത്തിയത്. ഓരോ ജംഗ്ഷനിലും 780 ലംഘനംവീതം നടന്നെന്നും ട്രാഫിക് ഡി.സി.പി. കുൽദീപ് കുമാർ ജെയിൻ പറഞ്ഞു. തെറ്റായദിശയിൽ വാഹനമോടിച്ചുള്ള ലംഘനമാണ് ഏറ്റവും കൂടുതൽ. റെഡ് സിഗ്നൽ തെറ്റിച്ചതും സ്റ്റോപ്പ് ലൈൻ തെറ്റിച്ചതും ഹെൽമറ്റില്ലാതെയും സീറ്റ് ബെൽറ്റിടാതെയും യാത്രചെയ്തതും നിയമലംഘനങ്ങളിൽ ഉൾപ്പെടുന്നുണ്ട്.
ബസവനഗുഡി, ഹലസൂരു, ആഡുഗോടി, ജയനഗർ, മൈക്കോ ലേഔട്ട്, ആർ.ടി. നഗർ, വി.വി. പുരം, സദാശിവനഗർ, മല്ലേശ്വരം, ബനശങ്കരി എന്നീ പോലീസ് സ്റ്റേഷൻ പരിധികളിലാണ് ഏറ്റവുംകൂടുതൽ ലംഘനങ്ങൾ നടന്നത്. ട്രാഫിക് നിയമപ്രകാരം ഇവർക്കെതിരെ കേസെടുത്തതായി കുൽദീപ് കുമാർ ജെയിൻ പറഞ്ഞു.
TAGS: BENGALURU | TRAFFIC VIOLATION
SUMMARY: Bengaluru records 5k traffic violations per hour
ഡൽഹി: ചെങ്കോട്ട സ്ഫോടന കേസുമായി ബന്ധപ്പെട്ട് സംശയനിഴലിൽ നിൽക്കുന്ന അൽ ഫലാഹ് സർവകലാശാല ചെയർമാൻ ജാവേദ് അഹമ്മദ് സിദ്ദീഖി അറസ്റ്റിൽ.…
ബെംഗളൂരു: തണുപ്പിൽ നിന്ന് രക്ഷനേടാൻ മുറിക്കുള്ളിൽ മരക്കരി കത്തിച്ചതിനെത്തുടർന്ന് വിഷപ്പുക ശ്വസിച്ച് മൂന്ന് യുവാക്കൾക്ക് ദാരുണാന്ത്യം. കർണാടകയിലെ ബെളഗാവിയിലാണ് സംഭവം.…
ബെംഗളൂരു: ബെംഗളൂരുവിൽ വൻ മയക്കുമരുന്ന് വേട്ട. നഗരത്തിന്റെ വിവിധ ഭാഗങ്ങളിൽ നടത്തിയ റെയ്ഡുകളിലായി 2.804 കിലോഗ്രാം എംഡിഎംഎ ക്രിസ്റ്റലുകളും 2.100…
ബെംഗളൂരു ബെംഗളൂരുവിലെ ഒരു മെട്രോ സ്റ്റേഷൻ ബോംബ് വെച്ച് തകർക്കുമെന്ന് ഭീഷണിപ്പെടുത്തിയ ആള് അറസ്റ്റില്. ബല്ലാരി സ്വദേശി ബി.എസ്. രാജീവ്…
ബെംഗളൂരു: നഗരത്തിലെ അനധികൃത പേയിംഗ് ഗസ്റ്റ് താമസ സൗകര്യങ്ങൾക്കെതിരെ കർശന നടപടിയുമായി ബെംഗളൂരു ഈസ്റ്റ് സിറ്റി കോർപ്പറേഷൻ. ലൈസൻസില്ലാതെ പ്രവർത്തിച്ച…
ബെംഗളൂരു: ബെംഗളൂരുവിലെ സാമൂഹിക, കലാ, സാംസ്കാരിക സംഘടനയായ 'കേളി'യുടെ പുതിയ ഭാരവാഹികളെ തിരഞ്ഞെടുത്തു. പ്രസിഡന്റ് സുരേഷ് പാൽകുളങ്ങര, വൈസ് പ്രസിഡന്റ്…