മൊബൈൽ ഫോൺ ഉപയോ​ഗം തടഞ്ഞതിന് പത്താം ക്ലാസുകാരി ഫ്ലാറ്റിന്റെ ഇരുപതാം നിലയിൽ നിന്നും ചാടി ജീവനൊടുക്കി

ബെംഗളൂരു: മൊബൈൽ ഫോൺ ഉപയോ​ഗം തടഞ്ഞതിന് പത്താം ക്ലാസുകാരി ഫ്ലാറ്റിന്റെ ഇരുപതാം നിലയിൽ നിന്നും ചാടി ജീവനൊടുക്കി. ബെംഗളൂരു കടുഗോഡിയിലാണ് സംഭവം.

മധ്യപ്രദേശ് സ്വദേശിനിയും സ്വകാര്യ സ്കൂളിലെ പത്താം ക്ലാസ് വിദ്യാർഥിനിയുമായ അവന്തിക ചൗരസ്യയാണ് കെട്ടിടത്തിന് മുകളിൽ നിന്ന് താഴേക്ക് ചാടി ജീവനൊടുക്കിയത്. മുൻ പരീക്ഷകളിൽ അവന്തികയുടെ മാർക്ക്‌ തീരെ കുറവായിരുന്നു. ഇക്കാരണത്താൽ വീട്ടുകാർ പെൺകുട്ടിയോട് തുടർച്ചയായി പഠിക്കാൻ ആവശ്യപ്പെട്ടിരുന്നു.

ഇതിൽ പ്രകോപിതയായ പെൺകുട്ടി അപ്പാർട്ട്മെന്റിന്റെ 20-ാം നിലയിൽ നിന്ന് ചാടി ആത്മഹത്യ ചെയ്യുകയായിരുന്നുവെന്ന് കടുഗോഡി പോലീസ് പറഞ്ഞു. വൈറ്റ്ഫീൽഡ് പ്രദേശത്തെ സിബിഎസ്ഇ സ്‌കൂളിലെ വിദ്യാർഥിയാണ് അവന്തിക. പോലീസ് സ്ഥലത്തെത്തി വിവരങ്ങൾ ശേഖരിച്ചുവരികയാണ്. അസ്വാഭാവിക മരണത്തിന് കേസെടടുത്തിട്ടുണ്ട്.

TAGS: BENGALURU | SUICIDE
SUMMARY: 15-Year-Old Girl Jumps To Death From Bengaluru Building