ബെംഗളൂരു: യെശ്വന്ത്പുര മേൽപ്പാലത്തിൽ നിന്ന് കാർ താഴേക്ക് മറിഞ്ഞ് അപകടം. സംഭവത്തിൽ ഒരാൾ മരിക്കുകയും നാല് പേർക്ക് പരുക്കേൽക്കുകയും ചെയ്തു. ചൊവ്വാഴ്ച പുലർച്ചെ 3.45 ഓടെ ഇരുചക്രവാഹനത്തിൽ ഇടിച്ച ശേഷം കാർ യെശ്വന്ത്പുര സർക്കിളിലെ ഫ്ലൈ ഓവറിൽ നിന്ന് മറിയുകയായിരുന്നു.
കോയമ്പത്തൂർ സ്വദേശി ശബരീഷ് (26) ആണ് മരിച്ചത്. ശങ്കർ റാം (29), അനുശ്രീ (23), മിഥുൻ (28), ഇരുചക്രവാഹന യാത്രികൻ മഞ്ജുനാഥ് (28) എന്നിവർക്ക് ഗുരുതരമായി പരുക്കേറ്റു. പരുക്കേറ്റവരിൽ മൂന്ന് പേരുടെ നില ഗുരുതരമാണെന്നാണ് റിപ്പോർട്ട്. അപകടസമയത്ത് കാറിൽ നാലുപേരും ഇരുചക്രവാഹനത്തിൽ ഒരാളുമാണുണ്ടായിരുന്നത്.
സാങ്കി റോഡിൽ നിന്ന് തുമകുരു റോഡിലേക്ക് അമിത വേഗതയിലായിരുന്നു കാർ സഞ്ചാരിച്ചത്. നിയന്ത്രണം വിട്ട കാർ മീഡിയനിലും ഇരുചക്രവാഹനത്തിൽ ഇടിച്ച ശേഷം ഫ്‌ളൈഓവറിൽ നിന്ന് താഴേക്ക് വീഴുകയായിരുന്നു. തമിഴ്‌നാട് രജിസ്‌ട്രേഷനിലുള്ള കാറിൽ (ടിഎൻ 37 ഡിഎച്ച് 9484) മദ്യക്കുപ്പി കണ്ടെത്തിയതിനാൽ യാത്രക്കാർ മദ്യപിച്ചതായി പോലീസ് സംശയിക്കുന്നുണ്ട്.
ടെൻകോ ഹൈർ പർഷസിംഗ് ആൻഡ് ലീസിംഗ് പ്രൈവറ്റ് ലിമിറ്റഡിലെ ജീവനക്കാരാണ് കാർ യാത്രികർ. സംഭവത്തിൽ യെശ്വന്ത്പുര ട്രാഫിക് പോലീസ് കേസെടുത്ത് അന്വേഷണം ആരംഭിച്ചു.
TAGS: BENGALURU | ACCIDENT
SUMMARY: One dead, four injured after speeding car falls off Yeshwantpur flyover
നിലമ്പൂര്‍: വോട്ടെണ്ണലിനു മണിക്കൂറുകൾ മാത്രം ശേഷിക്കെ യുഡിഎഫ് ക്രോസ് വോട്ട് ചെയ്തുവെന്ന ആരോപണവുമായി പി.വി. അൻവർ. തനിക്ക് ലഭിക്കേണ്ടിയിരുന്ന പതിനായിരത്തോളം…
ടെഹ്റാൻ: ആണവകേന്ദ്രങ്ങളിലെ അമേരിക്കൻ ആക്രമണത്തിന് പിന്നാലെ ഇറാൻ വിദേശകാര്യമന്ത്രി അബ്ബാസ് അരാഗ്ചി റഷ്യയിലേക്ക്. റഷ്യൻ പ്രസിഡന്റ് വ്ലാഡിമിർ പുട്ടിനുമായി തിങ്കളാഴ്ച…
പാലക്കാട്: കപ്പൂര്‍ വട്ടകുന്നിൽ ബൈക്കിൽ വന്ന യുവതിയെയും യുവാവിനെയും സദാചാര പോലീസ് ചമഞ്ഞ് ചോദ്യം ചെയ്തു മർദിച്ചസംഭവത്തില്‍ രണ്ടു പേർ…
ടെഹ്റാന്‍: പശ്ചിമേഷ്യയിലെ സംഘര്‍ഷം പുതിയതലത്തിലേക്ക് മാറുന്നു. ലോകത്തിലെ ഏറ്റവും നിര്‍ണായകമായ എണ്ണ ഇടനാഴിയായ ഹോര്‍മുസ് കടലിടുക്ക് അടക്കാന്‍ അടിയന്തരമായി ചേര്‍ന്ന…
കൊച്ചി: നിലമ്പൂരിലെ എല്‍ഡിഎഫ് സ്ഥാനാര്‍ത്ഥി എം സ്വരാജിനെ അനുകൂലിച്ച് ഫേസ്ബുക്കില്‍ പോസ്റ്റിട്ട എഴുത്തുകാരി ഹണി ഭാസ്‌കറിന് നേരെ അസഭ്യപ്രയോഗം നടത്തിയയാള്‍…
തിരുവനന്തപുരം: നാളെ സംസ്ഥാന വ്യാപകമായി വിദ്യാഭ്യാസ ബന്ദ് പ്രഖ്യാപിച്ച് എബിവിപി. സംസ്ഥാന സർക്കാർ പിഎം ശ്രീ പദ്ധതിയിൽ ഒപ്പ് വെക്കണമെന്ന്…