വിനോദസഞ്ചാരികളുടെ കാർ കാട്ടാന കുത്തിമറിച്ചിട്ടു; ആളുകൾ രക്ഷപ്പെട്ടത് തലനാരിഴയ്‌ക്ക്

ഇടുക്കി: വിനോദസഞ്ചാരികൾ സഞ്ചരിച്ചിരുന്ന കാറിന് നേരെ കാട്ടാന ആക്രമണം. മൂന്നാറിലെ ​ദേവികുളത്താണ് സംഭവം. വിനോദസഞ്ചാരികൾ സഞ്ചരിച്ചിരുന്ന കാർ കാട്ടാന കുത്തിമറിച്ചിട്ടു. ആക്രമണത്തിൽ നിന്ന് തലനാരിഴയ്ക്കാണ് വിദേശ വിനോദസ‍ഞ്ചാരികൾ രക്ഷപ്പെട്ടത്. മൂന്നാറിൽ നിന്ന് തേക്കടിയിലേക്ക് പോവുകയായിരുന്നു വിദേശസംഘം.

​ഗ്യാപ്പ് റോഡിനും ദേവികുളത്തിനും ഇടയിൽ വച്ചായിരുന്നു ആക്രമണം. റോഡിൽ നിന്നിരുന്ന ആന അപ്രതീക്ഷിതമായി വിനോദസഞ്ചാരികളുടെ വാഹനത്തിന് നേരെ പാ‍ഞ്ഞടുക്കുകയായിരുന്നു. തുടർന്ന് തുമ്പിക്കൈ കൊണ്ട് വാഹനം മറിച്ചിട്ടു. തേയിലത്തോട്ടത്തിൽ ഏറെനേരം നിലയുറപ്പിച്ച കാട്ടാന സമീപത്ത് മേഞ്ഞിരുന്ന പശുവിനെ ആക്രമിച്ച് കൊലപ്പെടുത്തി. ടാസ്ക് ഫോഴ്സ് സ്ഥലത്തെത്തിയാണ് കാട്ടാനയെ സ്ഥലത്ത് നിന്ന് തുരത്തിയോടിച്ചത്.

TAGS: ELEPHANT ATTACK
SUMMARY: Wild elephant attacks tourists in munnar