ബെംഗളൂരു: ഹിന്ദു എന്ന വാക്കുമായി ബന്ധപ്പെട്ട് നടത്തിയ വിവാദം പരാമർശവുമായി ബന്ധപ്പെട്ട് മന്ത്രി സതീഷ് ജാർഖിഹോളിക്കെതിരായ കേസ് കർണാടക ഹൈക്കോടതി റദ്ദാക്കി. ബെംഗളൂരുവിലെ അഭിഭാഷകൻ ദിലീപ് കുമാർ നൽകിയ സ്വകാര്യ ഹർജിയെ ചോദ്യം ചെയ്ത് ജാർക്കിഹോളി സമർപ്പിച്ച ഹർജി പരിഗണിക്കവെയാണ് ജസ്റ്റിസ് എം.നാഗപ്രസന്നയുടെ ഉത്തരവ്.
ഹിന്ദു എന്ന വാക്ക് പേർഷ്യൻ ഭാഷയിൽ അപമാനമാണെന്ന് 2022-ൽ ജാർഖിഹോളി പരസ്യ പ്രസ്താവന നടത്തിയിരുന്നു. 2022 നവംബറിൽ ബെളഗാവിയിലെ നിപ്പാനിയിൽ നടന്ന മാനവ ബന്ധുത്വ വേദികെയുടെ റാലിയിലാണ് ജാർക്കിഹോളി ഇക്കാര്യം പറഞ്ഞത്. തുടർന്ന് ദിലീപ് കുമാർ മന്ത്രിക്കെതിരെ കോടതിയിൽ ഹർജി നൽകുകയായിരുന്നു. ഒരു വാക്കിന്റെ അർത്ഥമാണ് മന്ത്രി പറഞ്ഞതെന്നും, ഇത് ഒരിക്കലും ഹിന്ദു സമൂഹത്തെ അപമാനിക്കുന്നതായോ, വാക്കിനെ അപകീർത്തിപ്പെടുത്തുന്നതായോ കണക്കാക്കാൻ സാധിക്കില്ലെന്ന് കോടതി വ്യക്തമാക്കി.
TAGS: KARNATAKA | HIGH COURT
SUMMARY: Karnataka High Court quashes criminal proceedings against Satish jarkiholi for his remarks on the word Hindu
WhatsApp
Telegram
