ഭക്ഷ്യവിഷബാധയെ തുടര്ന്ന് ചികിത്സയിലിരുന്ന നഴ്സിങ് വിദ്യാര്ഥിനി മരിച്ചു. ആലപ്പുഴ ചേപ്പാട് കുന്നേല് പ്രദീപിന്റേയും ഷൈലജയുടേയും മകള് പ്രവീണ(20) ആണ് മരിച്ചത്. ഡല്ഹിയിലെ വി.എം.സി.സി. നഴ്സിങ് കോളേജിലെ രണ്ടാം വര്ഷ വിദ്യാര്ഥിയായിരുന്നു. ചൊവ്വാഴ്ച പുലർച്ചെയായിരുന്നു മരണം. ജൂണ് ആദ്യം ഹോസ്റ്റലില്നിന്നാണ് പ്രവീണ അടക്കമുള്ളവര്ക്ക് ഭക്ഷ്യവിഷബാധയേറ്റത്. നാല്പ്പതോളം കുട്ടികള് ചികിത്സയിലായിരുന്നു.
ആദ്യം ഹരിയാണയിലെ ജിന്തര് ആശുപത്രിയിൽ ചികിത്സയിലായിരുന്ന പ്രവീണയെ പിന്നീട് ഹരിപ്പാട്ടെയും പരുമലയിലേയും ആശുപത്രികളിലേക്ക് മാറ്റിയിരുന്നു. പിന്നീട്, ഗുരുതരാവസ്ഥയില് ആയതിനെ തുടർന്ന് തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റി. ഇവിടെ ചികിത്സയിലിരിക്കെയാണ് മരിച്ചത്. ഇവരുടെ കുടുംബം വര്ഷങ്ങളായി ഹരിയാണയിലെ ഇസാറില് സ്ഥിരതാമസമാണ്. അമ്മ ഷൈലജ അവിടെ വിദ്യാദേവി ജിന്തര് സ്കൂളിലെ ജീവനക്കാരിയാണ്. സംസ്കാരം ചൊവ്വാഴ്ച രാത്രി 7.30-ന് വീട്ടുവളപ്പില് നടക്കും.
<br>
TAGS : DEATH | NURSING STUDENT | ALAPPUZHA NEWS
SUMMARY : Food poisoning from hostel; Malayalee nursing student in treatment
WhatsApp
Telegram
