100 ഐപിഎൽ മത്സരങ്ങൾ കളിക്കുന്ന ഏഴാമത്തെ താരമായി ഹാർദിക് പാണ്ഡ്യ

ജയ്പൂരിലെ സവായ് മാൻസിംഗ് സ്റ്റേഡിയത്തിൽ ഇന്ന് രാജസ്ഥാൻ റോയൽസിനെതിരെ തൻ്റെ നൂറാം മത്സരം കളിച്ച് ഡൈനാമിക് ഇന്ത്യൻ ഓൾ റൗണ്ടറായ ഹാർദിക് പാണ്ഡ്യ. ഇതോടെ തൻ്റെ ഇന്ത്യൻ പ്രീമിയർ ലീഗ് (ഐപിഎൽ) കരിയറിലെ ഒരു സുപ്രധാന നാഴികക്കല്ലിലാണ് താരം എത്തിനിൽക്കുന്നത്.

എംഐക്ക് വേണ്ടി 100 മത്സരങ്ങൾ കളിച്ചതിൻ്റെ നേട്ടം കൈവരിച്ച രോഹിത് ശർമ്മ, കീറോൺ പൊള്ളാർഡ്, ഹർഭജൻ സിംഗ്, ജസ്പ്രീത് ബുംറ, ലസിത് മലിംഗ, അമ്പാട്ടി റായിഡു എന്നിവരുൾപ്പെടെ ആറ് ക്രിക്കറ്റ് താരങ്ങളുടെ എലൈറ്റ് ഗ്രൂപ്പിലാണ് ഹാർദിക് ഇനി ഉൾപെടുക.

2015-ലാണ് പാണ്ഡ്യയുടെ മുംബൈക്കൊപ്പമുള്ള യാത്ര ആരംഭിച്ചത്. മുംബൈയുടെ വിജയത്തിന് അദ്ദേഹത്തിൻ്റെ പ്രകടനങ്ങൾ എന്നും നിർണായകമാണ്. മുംബൈ 5 ഐപിഎൽ കിരീടങ്ങൾ നേടിയപ്പോൾ അതിൽ 4 എണ്ണത്തിലും ഹാർദിക്ക് ടീമിലുണ്ടായിരുന്നു. 2023 നവംബറിൽ ഗുജറാത്ത് ടീമിനൊപ്പം ചേർന്ന രണ്ട് വർഷത്തെ ഇടവേളയ്ക്ക് ശേഷം പാണ്ഡ്യ മുംബൈയ്ക്കൊപ്പം മടങ്ങിയെത്തി. അവിടെ 2022-ലെ അവരുടെ ആദ്യ ഐപിഎൽ കിരീട വിജയത്തിൽ അദ്ദേഹം നിർണായക പങ്കുവഹിച്ചു.

രണ്ട് ഫ്രാഞ്ചൈസികൾ തമ്മിലുള്ള വ്യാപാര കരാറിൻ്റെ ഭാഗമായിരുന്നു പാണ്ഡ്യ എംഐയിലേക്ക് മടങ്ങിയത്. രോഹിത് ശർമ്മയുടെ പിൻഗാമിയായ അദ്ദേഹത്തെ 2024 സീസണിൽ ക്യാപ്റ്റനായി നിയമിച്ചു. ഓൾറൗണ്ടറായും നായകനായും പൊരുതിക്കളിച്ച ഹാർദിക്കിന് ഐപിഎല്ലിൽ ഇതുവരെ കഠിനമായ സമയമായിരുന്നു. 3 തോൽവികളോടെയാണ് ടീം സീസൺ ആരംഭിച്ചത്. നിലവിൽ 7 മത്സരങ്ങളിൽ നിന്ന് 6 പോയിൻ്റുകളാണ് ടീമിനുള്ളത്.

The post 100 ഐപിഎൽ മത്സരങ്ങൾ കളിക്കുന്ന ഏഴാമത്തെ താരമായി ഹാർദിക് പാണ്ഡ്യ appeared first on News Bengaluru.