ബെംഗളൂരു: നമ്മ മെട്രോയുടെ പർപ്പിൾ ലൈനിൽ തിങ്കളാഴ്ച രാത്രി 15 മിനിറ്റോളം ട്രെയിൻ സർവീസ് തടസ്സപ്പെട്ടു. മൈസൂരു റോഡ്, ദീപാഞ്ജലിനഗർ സ്റ്റേഷനുകൾക്കിടയിൽ ഒരാൾ മെട്രോ ട്രാക്കിൽ പ്രവേശിച്ചതിനെ തുടർന്നാണ് സർവീസുകൾ താൽക്കാലികമായി തടസ്സപ്പെട്ടത്. 65 വയസ്സുകാരനായ സോമണ്ണ എന്നയാളാണ് ട്രാക്കിൽ പ്രവേശിച്ചത്.
മൈസൂരു റോഡ് സ്റ്റേഷനിൽനിന്ന് ദീപാഞ്ജലിനഗർ സ്റ്റേഷന്റെ ദിശയിലേക്ക് ട്രാക്കിലൂടെ നടക്കാൻ ശ്രമിച്ച ഇയാളെ മെട്രോ ജീവനക്കാർ സുരക്ഷിതമായി മാറ്റി. ഇയാൾ ട്രാക്കിൽ പ്രവേശിച്ചതിനെ തുടർന്ന് സമീപത്തേക്ക് എത്തിയ ട്രെയിൻ താൽക്കാലികമായി നിർത്തുകയും ചെയ്തു.
സംഭവത്തെ തുടർന്ന് വിജയനഗർ മുതൽ ചല്ലഘട്ട വരെയുള്ള പർപ്പിൾ ലൈൻ സർവീസുകളെ തടസ്സം ബാധിച്ചു. ഏകദേശം 15 മിനിറ്റിനുശേഷം, രാത്രി 8.30ഓടെ സർവീസ് പുനരാരംഭിച്ചു.
SUMMARY: 65-year-old man enters Metro Purple Line tracks; service disrupted for 15 minutes.
