സി ജെ കുഞ്ചെറിയയെ അനുസ്മരിച്ചു

ബെംഗളൂരു: ബാംഗ്ലൂർ കേരളസമാജത്തിന്റെയും കെഎൻഇ ട്രസ്റ്റിന്റെയും മുൻ പ്രസിഡന്റ് ആയിരുന്ന സി ജെ കുഞ്ചെറിയയുടെ നിര്യാണത്തില്‍ അനുസ്മരണ പരിപാടി സംഘടിപ്പിച്ചു. കൈരളി നികേതൻ ഓഡിറ്റോറിയത്തിൽ വച്ചു നടന്ന ചടങ്ങിൽ കേരളസമാജം പ്രസിഡന്റ് ഹനീഫ് എം അധ്യക്ഷത വഹിച്ചു.

സാമൂഹ്യ–വിദ്യാഭ്യാസ പ്രവർത്തനങ്ങളിൽ സജീവ സാന്നിധ്യമായിരുന്ന കുഞ്ചെറിയ കേരള സമാജത്തിന്റെ യും കെ എൻ ഇ ട്രസ്റ്റിന്റെയും വികസനത്തിന് നൽകിയ സംഭാവനകൾ മഹത്തരമാണെന്ന് കെഎൻഇ ട്രസ്റ്റ് പ്രസിഡന്റ് സി ഗോപിനാഥൻ അനുസ്മരിച്ചു.

കേരളസമാജം മുൻ പ്രസിഡണ്ട്‌ ടി എം ശ്രീധരൻ, കെഎൻഇ ട്രസ്റ്റ് മുൻ പ്രസിഡന്റ്മാരായ സി എച്ച് പത്മനാഭൻ, കെ ചന്ദ്രശേഖരൻ നായർ, കേരളസമാജം ജനറൽ സെക്രട്ടറി റജികുമാർ, ട്രഷറർ ജോർജ് തോമസ്, കെഎൻഇ ട്രസ്റ്റ് ട്രഷറർ സുരേഷ് കുമാർ, ആർ വി ആചാരി, താമിനാഥൻ, ഇന്ദിരാ നഗർ പി യു കോളജ് പ്രിൻസിപ്പൽ നിർമല വർക്കി, ഗോൾഡൻ ജൂബിലി കോളജ് പ്രിൻസിപ്പൽ രാഗിത രാജേന്ദ്രൻ തുടങ്ങിയവർ സംബന്ധിച്ചു.

1976 ൽ കേരളസമാജത്തിന്റെ പ്രസിഡന്റ് ആയിരുന്ന അദ്ദേഹം രണ്ടു തവണ കെഎൻഇ ട്രസ്റ്റ് പ്രസിഡന്റ് ആയി സേവനം അനുഷ്ഠിച്ചിട്ടുണ്ട്. ഇസിഎ, ബിഎംസിഎ എന്നിവയുടെ പ്രസിഡന്റ് ആയും പ്രവർത്തിച്ചിട്ടുണ്ട്.
SUMMARY: CJ Kuncheria Condolence meeting