ബെംഗളൂരു: മംഗളൂരുവിനെയും തമിഴ്നാടിനെയും ബന്ധിപ്പിക്കുന്ന പുതിയ രണ്ടു ട്രെയിന് സര്വീസുകളുടെ ഫ്ളാഗ് ഓഫ് മാര്ച്ച് ഒന്നിന് പ്രധാനമന്ത്രി നരേന്ദ്ര മോദി നിര്വഹിക്കും. മധുരയിൽ നടക്കുന്ന പരിപാടിയില് പ്രധാനമന്ത്രി നരേന്ദ്ര മോദി നാല് പുതിയ ട്രെയിൻ സർവീസുകൾ ഫ്ലാഗ് ഓഫ് ചെയ്യും. മംഗളൂരു സെൻട്രൽ-രാമേശ്വരം-മംഗളൂരു സെൻട്രൽ എക്സ്പ്രസ്, തംബരത്തിനും മംഗളൂരുവിനും ഇടയിലുള്ള അമൃത് ഭാരത് എക്സ്പ്രസ്, കോയമ്പത്തൂർ-ധനബാദ് അമൃത് ഭാരത് എക്സ്പ്രസും നാഗർകോവിൽ-ചാർള-പള്ളി അമൃത് ഭാരത് എക്സ്പ്രസ് എന്നിവയാണ് ഫ്ലാഗ് ഓഫ് ചെയ്യുന്നത്.
മംഗളൂരു സെൻട്രൽ-രാമേശ്വരം-മംഗളൂരു സെൻട്രൽ എക്സ്പ്രസ് (16622) എല്ലാ ശനിയാഴ്ചകളിലും വൈകുന്നേരം 7.30 ന് മംഗളൂരു സെൻട്രലിൽ നിന്ന് പുറപ്പെട്ട് പാലക്കാട്, മധുര, മാനാമധുരൈ വഴി ഞായറാഴ്ച രാവിലെ 10.50 ന് രാമേശ്വരത്ത് എത്തിച്ചേരും. മടക്കയാത്രയില്, ട്രെയിന് നമ്പര് 16621 ഞായറാഴ്ചകളില് ഉച്ചകഴിഞ്ഞ് 3.30 ന് രാമേശ്വരത്ത് നിന്ന് പുറപ്പെട്ട് പിറ്റേന്ന് രാവിലെ 6.55 ന് മംഗളൂരു സെന്ട്രലില് എത്തിച്ചേരും.
ദീര്ഘകാലമായി മംഗളൂരു-രാമേശ്വരം റൂട്ടില് പുതിയ ട്രെയിന് വേണമെന്ന് യാത്രക്കാര് ആവശ്യപ്പെടുന്നുണ്ട്. തീര്ത്ഥാടന കേന്ദ്രമായ രാമേശ്വരത്തേക്കുള്ള ഈ ട്രെയിന് ധാരാളം യാത്രക്കാര്ക്ക് പ്രയോജനപ്പെടും. കര്ണാടകയും-തമിഴ്നാടും തമ്മിലുള്ള വാണിജ്യ-വ്യവസായ ബന്ധവും ശക്തിപ്പെടുത്താന് പുതിയ ട്രെയിനുകള് സഹായിക്കുന്നതാണ്.
SUMMARY: New train on Mangaluru-Rameswaram-Tambaram- route; The Prime Minister will flag off on March 1
WhatsApp
Telegram
