ബെംഗളൂരു: കേരളസമാജം ബാംഗ്ലൂര് നോര്ത്ത് വെസ്റ്റ് സംഘടിപ്പിച്ച ‘ഗാനതരംഗിണി’ സമാജം ഹാളില് അരങ്ങേറി. സമാജം പ്രസിഡണ്ട് ആര്.മുരളീധര് ഉദ്ഘാടനം നിര്വ്വഹിച്ചു. പഴയതും പുതിയതുമായ സിനിമാഗാനങ്ങള്, നാടക ഗാനങ്ങള്, നാടന് പാട്ടുകള് എന്നിവ ഉള്പ്പെടുത്തിയ സംഗീതപരിപാടിയില് ബെംഗളൂരുവിലെ ഗായകര് ഗാനങ്ങള് അവതരിപ്പിച്ചു.
കൃഷ്ണപ്രസാദ്, മിനി സുരേഷ്, ശ്രീമണി, സുജാത, ഷൈജു ചെറുവത്തൂര്, ശ്രദ്ധ ദീപക്, വേണുഗോപാല്. പി. എം, ധന്വനി മാളവിക, വി. കെ,.വിജയന്, ആര്ദ്ര പ്രവീണ്, ദീപക്, പ്രജേഷ്, ശശീന്ദ്ര വര്മ്മ പി. കെ, കവിരാജ്, ഷാജി അക്കിത്തലം, വൈഗ സുനില്, ആര്യന് എന്നിവര് ഗാനങ്ങള് ആലപിച്ചു. പ്രശസ്ത സംഗീത അധ്യാപകനും സംഗീത സംവിധായകനുമായ വിജയകുമാറിനെ ചടങ്ങില് പൊന്നാട അണിയിച്ച് ആദരിച്ചു.
കള്ച്ചറല് കമ്മിറ്റി ചെയര്മാന് വി.കെ.വിജയന്, കണ്വീനര് കവിരാജ്, സമാജം വൈസ് പ്രസിഡണ്ട് മാത്തുക്കുട്ടി ചെറിയാന്, സമാജം സെക്രട്ടറി അജിത് കുമാര് നായര്, ജോ.സെക്രട്ടറി സി പി മുരളി, ട്രഷറര് ബിജു ജേക്കബ്, ജോയിന്റ് ട്രഷറര് വിശ്വനാഥന് പിള്ള എന്നിവര് നേതൃത്വം നല്കി.
