തിരുവനന്തപുരം: മനോവൈകല്യമുള്ളവരെ ആക്ഷേപിച്ച് പ്രസ്താവന നടത്തിയെന്ന ആരോപണത്തില് ആദ്യപ്രതികരണവുമായി സലീം കുമാർ. വിവാദപരാമർശത്തെ തുടർന്ന് ദ് നാഷണല് പ്ലാറ്റ്ഫോം ഫോർ ദ റൈറ്റ്സ ഓഫ് ദ് ഡിസേബിള്സ് (NPRD) എന്ന സംഘടന പരാതി നല്കിയതിന് പിന്നാലെയാണ് സലീം കുമാറിന്റെ പ്രതികരണം. പരാതി നല്കിയതിന് പിന്നില് സിപിഎമ്മാണെന്നും താൻ പറഞ്ഞ പ്രസ്താവന പിൻവലിക്കില്ലെന്നും സലീം കുമാർ വ്യക്തമാക്കി.
ടിവിയില് വാർത്ത വന്നപ്പോഴാണ് ഇത്തരമൊരു പരാതി പോയത് അറിഞ്ഞത്. തന്നെ ആരും വിളിച്ച് പറഞ്ഞിട്ടില്ല. ഇതിന് പിന്നില് സിപിഎമ്മാണ്. അല്ലാതെ ആർക്കാണ് ഇതിനൊക്കെ സമയമെന്നും സലിം കുമാർ ചോദിക്കുന്നു. പ്രസ്താവന പിൻവലിക്കില്ല, കേരളത്തിലെവിടെയാണ് ഇങ്ങനെയൊരു സ്ഥലം, സിപിഎം പറഞ്ഞ അച്ഛനും മകനുമെല്ലാം അവരുടെ സങ്കല്പ്പിക കഥാപാത്രങ്ങളാണ്. ഞാൻവരെ കണ്ടിട്ടില്ല. പിന്നെ അവരെക്കുറിച്ച് പറയുന്നതെങ്ങനെയാണ് അധിക്ഷേപമാവുന്നതെന്നും അദ്ദേഹം ചോദിച്ചു.
“പേഴ്സണലി ഞാൻ ഒരു വ്യക്തിയെയും വ്യക്തിഹത്യ ചെയ്തതല്ല. ഒരു ഹോസ്പിറ്റലിനെയും ഒരു രോഗത്തെയും ഒരു രോഗിയെയും ഞാൻ മോശമൊക്കി കാണിച്ചതല്ല. ഇല്ലാത്ത വ്യക്തിയെ ഹത്യ നടത്തിയെന്ന് പറയുന്നത് എന്ത് അടിസ്ഥാനത്തിലാണ്? ഞാനൊന്ന് ട്രോളിയതിനാണോ പരാതി?” അദ്ദേഹം ചോദിച്ചു.
SUMMARY: CPM filed the complaint, who else has time for it; Salim Kumar responds
WhatsApp
Telegram
