ഡല്ഹി: ദേശീയ ചലച്ചിത്ര വികസന കോർപറേഷൻ പാർട്ട്-ടൈം ചെയർമാനായി നടനും ബി.ജെ.പി നേതാവുമായ ജി. കൃഷ്ണകുമാർ നിയമിതനായി. മൂന്നു വർഷത്തേക്കാണ് നിയമനം. കൃഷ്ണകുമാറിനെ എൻഎഫ്ഡിസിയുടെ നോണ്-ഓഫീഷ്യല് ഡയറക്ടറായും നിയമിച്ചതായി കേന്ദ്ര വാർത്താവിനിമയ മന്ത്രാലയം അറിയിച്ചു. ഇതുസംബന്ധിച്ച ഔദ്യോഗിക ഉത്തരവും മന്ത്രാലയം പുറത്തിറക്കിയിട്ടുണ്ട്.
പുതിയ ചുമതല സന്തോഷപൂർവ്വം ഏറ്റെടുക്കുന്നതായി കൃഷ്ണകുമാർ പ്രതികരിച്ചു. നിയമന വിവരം അശ്വനി വൈഷ്ണവ് തന്നെയാണ് അറിയിച്ചതെന്ന് അദ്ദേഹം വ്യക്തമാക്കി. കൂടാതെ പ്രധാനമന്ത്രിയുടെ ഓഫീസില് നിന്നുമുള്ള അറിയിപ്പും ലഭിച്ചതായും പറഞ്ഞു. ഈ മാസം 15-ന് ശേഷം ഡല്ഹിയിലെത്തി ഔദ്യോഗികമായി ചുമതലയേല്ക്കുമെന്നും കൃഷ്ണകുമാർ കൂട്ടിച്ചേർത്തു.
SUMMARY: Actor G. Krishnakumar appointed as Chairman of National Film Development Corporation
