ബെംഗളൂരു: മലയാളികള്ക്ക് എത്ര കേട്ടാലും മതിവരാത്ത നിത്യഹരിത ക്രൈസ്തവ ഭക്തിഗാനങ്ങള് ഉള്പ്പെടുത്തിയുള്ള ‘രക്ഷകന്റെ ഗീതം’ സംഗീത സംഗമം ജൂണ് 7നു വൈകിട്ട് 6നു ബെംഗളൂരു ഹെന്നൂര് ക്യാംപസ് ക്രൂസേഡ് ഇന്ഡോര് സ്റ്റേഡിയത്തില് നടക്കും. പ്രശസ്ത പിന്നണി ഗായകന് കെ.ജി.മാര്ക്കോസിനൊപ്പം യുവഗായകരായ മെറിന് ഗ്രിഗറി, ശ്രേയ എന്നിവര് ഗാനങ്ങള് ആലപിക്കും. ക്രൈസ്തവ ഭക്തിഗാന ശാഖയിലെ പ്രതിഭകളായ കെ.വി.സൈമണ്, സാധു കൊച്ചുകുഞ്ഞ് ഉപദേശി എന്നിവരുടെ ഗാനങ്ങളും ഉള്പ്പെടുത്തിയിട്ടുണ്ട്.
ക്രൈസ്തവ വിശ്വാസി കൂട്ടായ്മയായ ‘മൈ ചര്ച്ച്’ ആണ് ബെംഗളുരു മലയാളികള്ക്ക് രണ്ടരമണിക്കൂര് നീളുന്ന അപൂര്വമായ രാഗാനുഭവം ഒരുക്കന്നത്. കാരുണ്യ പ്രവര്ത്തനങ്ങള്ക്കു നേതൃത്വം നല്കുന്ന ‘മൈ ചര്ച്ചി’ന്റെ സ്ഥാപകന് എ.വി.തോമസ് പരിപാടി ഉദ്ഘാടനം ചെയ്യും.
വിപുലമായ പാര്ക്കിങ് സൗകര്യം ഒരുക്കിയിട്ടുണ്ട്. ഒപ്പം ഭക്ഷണവും. പ്രവേശനം സൗജന്യ പാസുകള് മുഖേന നിയന്ത്രിക്കും. പാസുകള്ക്ക് ബന്ധപ്പെടേണ്ട നമ്പര്: ഫോണ്: 97464 66440, 97461 14444.
SUMMARY: Pratyasha Sangeetha Sangamam on June 7th
