ബെംഗളൂരു: ദക്ഷിണ കന്നഡ ജില്ലയിലെ വിട്ല പൊലീസ് സ്റ്റേഷൻ പരിധിയിൽ ലോറികളിലെ ബാറ്ററി മോഷണ പരമ്പരയുമായി ബന്ധപ്പെട്ട് രണ്ട് പേരെ അറസ്റ്റ് ചെയ്തു. കാസർകോട് ചെക്കള സ്വദേശി പി.എ. അബ്ദുൾ ഷമീർ (50),കാസറഗോഡ് മുട്ടത്തൊടി സ്വദേശി കെ. അബ്ദുൽമജീദ് (33) എന്നിവരാണ് അറസ്റ്റിലായത്.
രാത്രിയിൽ പാർക്ക് ചെയ്തിരുന്ന ട്രക്കുകളിൽ നിന്ന് ബാറ്ററികൾ മോഷ്ടിച്ചതിന് ഇവര്ക്കെതിരെ അഞ്ച് കേസുകൾ രജിസ്റ്റർ ചെയ്തിട്ടുണ്ടെന്ന് പോലീസ് പറഞ്ഞു. 10 ലോറി ബാറ്ററികൾ ഇവരിൽ നിന്ന് കണ്ടെടുത്തു. ഇരുവരെയും കോടതിയിൽ ഹാജരാക്കി, ജുഡീഷ്യൽ കസ്റ്റഡിയിൽ വിട്ടു. കൂടുതൽ അന്വേഷണം പുരോഗമിക്കുകയാണെന്ന് പോലീസ് പറഞ്ഞു
